Khit Thit သတင်းဌာန၏ ဩဂုတ် ၁၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၁၄ ရက် ညနေပိုင်းတင်ဆက်ပေးမယ့်သတင်းတွေကတော့ -အကြမ်းဖက် စစ်ကောင်စီရဲ့ ခမရ ၁၁၄ တပ်ရင်း တစ်ခုလုံးမှာ ဖွဲ့စည်းပုံအရ အင်အား ၈၀၀ ကျော် ရှိရမှာဖြစ်ပေမယ့် စစ်သား ၁၃၂ ဦး သာကျန်တော့တယ်လို့ ရန်ကုန်ခေတ်သစ်ရဲ့ စစ်ဘက်သတင်း ရင်းမြစ်က ပြောပါတယ်။ - ပြည်တွင်းမှာ အမေရိကန်တစ်ဒေါ်လာ ၃၇၀၀ ကျပ် နီးပါး ရောက်ရှိလာမှုဟာ နိုင်ငံခြားငွေကြေး စျေးကစားသူတွေရဲ့ လက်ချက်ကြောင့်လို့ပြောပြီး အရေးယူသွားမယ်လို့ အကြမ်းဖက်စစ်ကောင်စီရဲ့ ဗဟိုဘဏ်ကနေ ခြိမ်းခြောက်ပြောဆိုနေပြန်ပါတယ်။ -ကရင်ပြည်နယ်၊ ကျုံဒိုးမြို့က ကရင်ကျောက်ဖျာကျေးရွာကို အကြမ်းဖက် စစ်ကောင်စတပ်ကနေ လက်နက်ကြီးနဲ့ ပစ်ခတ်မှုကြောင့် ဒေသခံ ပြည်သူ ၂ ဦး ပြင်းထန်းဒဏ်ရာရပြီး နေအိမ်လည်း ပျက်ဆီးခဲ့ရတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
