Khit Thit သတင်းဌာန၏ ဩဂုတ် ၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၁ ရက် ညနေပိုင်းတင်ဆက်ပေးမယ့်သတင်းတွေကတော့ -အကြမ်းဖက် စစ်ကောင်စီက မတရားဖမ်းဆီးထားသော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် သမ္မတ ဦးဝင်းမြင့်အပေါ် စစ်ကောင်စီက မတရား ချမှတ်ထားသော ပြစ်ဒဏ်တချို့ကို လွတ်ငြိမ်းခွင့်ပြုပြီး ထောင်ဒဏ်တချို့ဆက်လက်ထားရှိကာ ပြန်မလွှတ်ပေးသေးဘူးလို့ အကြမ်းဖက် စစ်ကောင်စီရဲ့ ထုတ်ပြန်ချက် အရ သိရှိရပါတယ်။ -အကြမ်းဖက်စစ်ကောင်စီက အကျဉ်းသား ၇၇၄၉ ကို ပြစ်ဒဏ်လွတ်ငြိမ်းခွင့်ပြုပြီး EAO နှင့် ဆက်စပ်၍ တရားစွဲ ခံထားရသူ ၇၂ ဦး၊ ပြစ်ဒဏ်ကျခံနေရသော တိုင်းရင်းသားလက်နက်ကိုင် ၂၂ ဦးကို ပြန်လွှတ်ပေးလိုက်တယ်လို့ သိရပါတယ်။ -စစ်ကိုင်းတိုင်း မြောင်မြို့နယ်ရှိ အကြမ်းဖက် စစ်တပ်၏ ရဲစခန်း၊ ထွေအုပ်ရုံးနှင့် စစ်ကြောင်း တို့ကို မိုင်းဆွဲ ပစ်ခတ် တိုက်ခိုက်မှု စစ်သား ၁ ဦးသေဆုံးပြီး ဒဏ်ရာရရှိသူ များပြားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
