Khit Thit သတင်းဌာန၏ ဇူလိုင် ၂၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၂ ရက် ညနေပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံမှာ စစ်ကောင်စီ နဲ့ ပူးပေါင်းပြီး ရေနံနှင့် စွမ်းအင်လုပ်ငန်းတွေ လုပ်ကိုင်နေတဲ့ ထိုင်း PTTEP ကုမ္ပဏီကို စင်ကာပူ တရားရုံးတင်နိုင်ရေးအတွက် NUG က ဆက်လက် ဆောင်ရွက်နေတယ်လို့ ဇူလိုင်လ ၂၀ ရက်နေ့ကပြုလုပ်တဲ့ နွေဦးဖွံ့ဖြိုးရေးဘဏ် မိတ်ဆက်ပွဲမှာ NUG စီမံကိန်း၊ ဘဏ္ဍာရေးနှင့် ရင်းနှီးမြှုပ် နှံမှုဝန်ကြီး ဦးတင်ထွန်း နိုင် ကပြောလိုက်ပါတယ်။ - ပဲခူးတိုင်း၊ ကျောက်တံခါးမြို့နယ်မှာရှိတဲ့ တလိုင်းခင်ကျေးရွာ နဲ့ နံဇကျေးရွာ သင်္ချိုင်းကုန်း အနီးကို ရောက်လာတဲ့ အကြမ်းဖက် စစ်ကောင်စီတပ် စစ်ကြောင်းကို ဇူလိုင်လ ၂၁ နေ့က KNLA PDF ပူးပေါင်း တပ်တွေကနေ မိုင်းဆွဲတိုက်ခိုက်မှုအပြင် လက်နက်ငယ်တွေနဲ့ပါ ဝိုင်းဝန်း တိုက်ခိုက်ရာမှာ အကြမ်းဖက် စစ်ကောင်စီဘက်က ၁၅ ဦးထက်မနည်း သေသွားတယ်လို့ KNLA တပ်ရဲ့ တာဝန်ရှိသူတစ်ဦးက ရန်ကုန် ခေတ်သစ် ကိုပြောပါတယ်။ - ကရင်နီ ပြည်၊ ဖားဆောင်းမြို့နယ်၊ သံလွင်မြစ်အရှေ့ဘက်ကမ်းမှာရှိတဲ့ ကျောက်ပန်းညိုကျေးရွာ နဲ့ ဝမ်အောင်း (ရှမ်း)ရွာ-အနီးတွေမှာ တိုက်ပွဲပြင်းထန်နေပြီး အကြမ်းဖက် စစ်ကောင်စီတပ်က ပြည်သူ့တွေ ရဲ့ နေအိမ်တွေကို မီးရှို့ဖျက်ဆီးနေတဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
