Khit Thit သတင်းဌာန၏ ဇူလိုင် ၂၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံမှာ အွန်လိုင်းစျေးရောင်းသူတွေနဲ့ ဝန်ဆောင်မှု လုပ်ငန်းလုပ်ကိုင်သူတွေအနေနဲ့ လိုင်စင်မှတ်ပုံ မတင်ရင် ထောင်ဒဏ် ၆ လကနေ ၃ နှစ်အထိ အပြင် ၊ငွေဒဏ် ၅ သိန်း ချမှတ်မှာ ဖြစ်တယ်လို့ အကြမ်းဖက် စစ်ကောင်စီက အမိန့် ထုတ်ပြန်၍ ခြိမ်းခြောက်လိုက်ပါတယ်။ - ရန်ကုန်တိုင်း၊ ကော့မှူး-မြို့နယ်၊ ရှာဘွား-ကျေးရွာ အုပ်စုမှာရှိတဲ့ နေအိမ် ၂၀၀ ကျော်ကို အစိုးရပိုင်မြေမှာ ကျူးကျော် ဆောက်လုပ်ထားတယ်ဆိုပြီး အကြမ်းဖက် စစ်ကောင်စီတပ်က အတင်း အဓမ္မ ဖယ်ရှားခိုင်းနေတယ်လို့ ဒေသခံ ပြည်သူတွေက ရန်ကုန်ခေတ်သစ် ကိုပြောပါတယ်။ - စစ်ကိုင်းတိုင်း၊ ဆားလင်းကြီးမြို့နယ်မှာရှိတဲ့ ကျေးရွာတွေကို ဇူလိုင်လ ၂၁ ရက်နေ့မှာ အကြမ်းဖက် စစ်ကောင်စီတပ်က စစ်ကြောင်းထိုးလာတဲ့အတွက် ကျေးရွာ ၉ ရွာက ထောင် နဲ့ချီတဲ့ ပြည်သူတွေဟာ ဘေးလွတ်ရာကို ထွက်ပြေးတိမ်းရှောင်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
