Khit Thit သတင်းဌာန၏ ဇူလိုင် ၁၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၅ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ ညောင်လေးပင်မြို့နယ်၊ ရန်ကုန်-မန္တလေးလမ်းဟောင်းမှာ တိုက်ပွဲဖြစ်ပွားခဲ့ပြီး ၊ အကြမ်းဖက် စစ်ကောင်စီဘက်က အရာရှိတစ်ဦး အပါအဝင် ထိခိုက်မှုများသွားတယ်လို့ ဒေသခံ ပြည်သူတွေက ပြောပါတယ်။ -မြင်းခြံမြို့မှာ ဇူလိုင်လ ၁၃ ရက်နေ့က ညောင်ဦး PDF ထောက်ပို့ ၁ ဦးနဲ့ မိခင်ကို အကြမ်းဖက် စစ်ကောင်စီတပ်က ဖမ်းဆီးပြီး နေအိမ်ကို ဝင်ရောက်စီးနင်းရာမှာ သေနတ် ၇ လက်၊ လက်ပစ်ဗုံး နဲ့ ခဲယမ်းတွေ အသိမ်းခံလိုက်ရပါတယ်။ - တန့်ဆည်မြို့နယ်၊ နားဋောင်းကျကျေးရွာကနေ ထွက်လာတဲ့ အကြမ်းဖက်စစ်ကောင်စီတပ်နဲ့ ပျူစောထီးတွေပါတတဲ့ စစ်ကြောင်းကို ကြားဖြတ်တိုက်ခိုက်ရာမှာ အကြမ်းဖက် စစ်ကောင်စီဘက်က ၂ ဦး သေသွားတဲ့အပြင် ၈ ဦးထက်မနည်း ဒဏ်ရာရသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
