Khit Thit သတင်းဌာန၏ ဇူလိုင် ၂၂ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၂ ရက် မနက်ပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ယင်းမာပင်မြို့နယ်၊ စုန်ချောင်းကျေးရွာကို အကြမ်းဖက် စစ်တပ်က စစ်ကြောင်း ၂ ကြောင်း နဲ့ဝင်ရောက် စီးနင်းပြီး ပြည်သူ့ကာကွယ်ရေး တပ်ဖွဲ့ဝင် ၃ ဦးနဲ့ ပြည်သူ ၁၁ ဦးကို အစုလိုက် အပြုံလိုက် သတ်ဖြတ်သွားတယ်လို့ ယင်းမာပင်အခြေစိုက် ဗိုလ်ထွန်းတောက်-BTT LPDF တပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနကိုပြောပါတယ်။ - စစ်ကိုင်းတိုင်း၊ ရွှေဘိုမြို့နယ်၊ ဘုန်းဘွဲ့ကျေးရွာအနီးမှာ တိုက်ပွဲဖြစ်ပြီး အကြမ်းဖက်စစ်သား ၂၀ ခန့် သေဆုံးခဲ့ တယ်လို့ ရွှေဘိုခရိုင်တပ်ရင်း ၁၅ မှ တပ်ထောက်ဗိုလ် ဗိုလ်စာကလေးက ရန်ကုန်ခေတ်သစ် သတင်းဌာနကို ပြောပါတယ်။ - ကရင်ပြည်နယ်၊ မြ၀တီမြို့နယ်ရှိ စစ်ရေးဗျူဟာ အရအရေးပါလှတဲ့ စစ်ကောင်စီ တပ်ရဲ့ လက်ခတ်တောင် တာဝါတိုင်စခန်းကုန်းကို တိုက်ခိုက်သိမ်း ပိုက် လိုက်တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
