Khit Thit သတင်းဌာန၏ ဇူလိုင် ၂၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံမှာ အကြမ်းဖက်စစ်ကောင်စီက လူ့အခွင့်အရေးချိုးဖောက်မှုတွေ ဆက်လက် ကျူးလွန် နေတဲ့အတွက် စစ်ကောင်စီ အဖွဲ့ဝင် ၂ ဦး၊ ဝန်ကြီး ၃ ဦး နဲ့ ဒုဗိုလ်ချုပ်ကြီး ၁ ဦးကို ဒဏ်ခတ်ပိတ်ဆို့ အရေးယူလိုက်တယ်လို့ ဥရောပသမဂ္ဂကနေ ထုတ်ပြန်ကြေညာလိုက်ပါတယ်။ - ပဲခူးတိုင်း၊ ကျောက်တံခါးမြို့နယ်၊ ရန်ကုန်-မန္တလေး-လမ်းဟောင်း မိုင်တိုင် ၁၀၁ က ရဲ နဲ့ ပျူစောထီး တွေ တပ်စွဲထားတဲ့ KTV ကို တောင်ပိုင်းတိုင်း အထူးကွန်မန်ဒို တပ်ဖွဲ့တွေကနေ ဝင်ရောက် တိုက်ခိုက်မှာ အကြမ်းဖက် စစ်ကောင်စီဘက်က ၄ ဦးသေသွေားတဲ့အပြင် ၊ ကား ၁ စီးကိုပါ သိမ်းဆည်းရရှိခဲ့တယ်လို့ တောင်ပိုင်းတိုင်း အထူးကွန်မန်ဒို တပ်ရင်းဆီကနေ သိရပါတယ်။ - ကချင်ပြည်နယ်၊ ရွှေကူ-မြို့နယ်၊ ဆင်တပ်ကျေးရွာအနီး စစ်ကြောင်းထိုးလာတဲ့ အကြမ်းဖက် စစ်ကောင်စီတပ် နဲ့ တော်လှန်ရေးအင်အားစုတပ်ဖွဲ့တွေကြား တိုက်ပွဲဖြစ်ပွားရာမှာ အကြမ်းဖက် စစ်ကောင်စီဘက်က သား ၁၀ ဦး ဝန်းကျင်သေသွားတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
