Khit Thit သတင်းဌာန၏ ဇူလိုင် ၁၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၉ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ရွှေဘို-မြို့နယ်၊ ဟန်လင်းမြို့ဟောင်းမှာ တပ်စွဲထားတဲ့ အကြမ်းဖက် စစ်ကောင်စီတပ်ကို ပြည်သူ့ ကာကွယ်ရေးတပ်ဖွဲ့ မဟာမိတ် တပ်ပေါင်းစုကနေ ဝင်ရောက် တိုက်ခိုက်ရာမှာ အကြမ်းဖက် စစ်ကောင် စီဘက်က ၅ ဦး သေသွားပြီး ၊ ဒဏ်ရာ ရသွားတဲ့ အယောက် ၂၀ ဝန်းကျင်ကို အရှင်ဖမ်းဆီး ရမိထား တယ်လို့ Genertion Z Power (Mandalay) ရဲ့ တာဝန်ရှိသူတစ်ဦးက ရန်ကုန်ခေတ်သစ် ကိုပြောပါတယ်။ -မကွေးတိုင်း၊ ပခုက္ကူ-ပေါက် လမ်းပိုင်းမှာ အကြမ်းဖက် စစ်ကောင်စီတပ်ရဲ့ လက်နက် ရိက္ခာ တင်လာတဲ့ကားနဲ့ လုံခြုံရေးယူလိုက်ပါလာတဲ့ တပ်သားတွေကို ပြည်သူ့ကာကွယ်ရေးတပ်ဖွဲ့တွေကနေ အကြိမ်ကြိမ် မိုင်းဆွဲ တိုက်ခိုက်ရာမှာ အကြမ်းဖက် စစ်ကောင်စီဘက်က ၁၀ ဦး ဝန်းကျင် သေသွားတယ်လို့ ဧရာအနောက် ပြောက်ကျားတပ်ဖွဲ့ ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကိုပြောပါတယ်။ - မွန်ပြည်နယ် ၊ မော်လမြိုင်မြို့ပေါ်ရပ်ကွက်နဲ့ မြို့နယ်တချို့မှာ ဇူလိုင်လ ၁၈ ရက်နေ့ကစပြီး ရေကြီး ရေလျှံဖြစ်နေပေမယ့် ကူညီမယ့်သူ မရှိတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
