"အခုအချိန်မှာ ထိုးစစ်၊ တိုက်စစ်၊ နယ်မြေသိမ်းတဲ့စစ်ကို လုပ်ဖို့အတွက် ပြင်ဆင်နေတဲ့အချိန် ပြင်ဆင်နေတဲ့အနေ အထားကို ရောက်နေတယ်လို့ သုံးသပ်လို့ရပါတယ်" NUG အစိုးရ ပြည်ထောင်စုဝန်ကြီး ဒေါက်တာဇော်ဝေစိုးနှင့်တွေ့ဆုံခြင်း အမျိုးသားညီညွတ်ရေးအစိုးရ NUG ၏ ကျန်းမာရေးဝန်ကြီးဌာနနှင့် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာဇော်ဝေစိုးသည် အမေရိကန်ပြည်ထောင်စုတွင် ရောက်ရှိနေပြီး အမေရိကန်ပြည်ထောင်စုတွင် လွှတ်တော်အမတ်များ၊ အမေရိကန်အစိုးရတာဝန်ရှိသူများ အပါအဝင် အမေရိကန်ရောက် တော်လှန်ရေးအင်အားစုများနှင့်တွေ့ဆုံ၍ နွေဦးတော်လှန်ရေး အရှိန်မြှင့်တင်ရေးနှင့် အကူအညီများရရှိရေး ဆွေးနွေးမှုများ လုပ်ဆောင်လျက်ရှိရာ ဒေါက်တာဇော်ဝေစိုးကို ကိုဝေယံအောင်က တွေ့ဆုံမေးမြန်းထားပါသည်။
