Khit Thit သတင်းဌာန၏ ဇူလိုင် ၁၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၈ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -NUG နဲ့ PDF ကို ဒေါ်အောင်ဆန်းစုကြည်က မထောက်ခံကြောင်း လုပ်ကြံ လိမ်လည် ရေးသားထားတဲ့ ဝါဒဖြန့် ကြော်ငြာ စာရွက်တွေကို အကြမ်းဖက် စစ်ကောင်စီတပ်က နိုင်ငံတစ်ဝန်း အလုံးအရင်းနဲ့ လိုက်လံ ဝေငှဖြန့်ချိ နေတယ်တယ်လို့ စစ်တပ်သတင်းရင်း မြစ်နဲ့ ဒေသခံပြည်သူတွေက ပြောပါတယ်။ - စစ်ကိုင်းတိုင်း၊ တန့်ဆည်မြို့နယ်မှာ အင်အား ၁၃၀ ကျော်ပါတဲ့ အကြမ်းဖက် စစ်ကော်စီတပ် စစ် ကြောင်း နဲ့ PDF ပူးပေါင်းတပ်ဖွဲ့တွေကြား ၂ ကြိမ်တိုင် တိုက်ပွဲဖြစ်ပွားရာမှာ အကြမ်းဖက် စစ်ကောင်စီ ဘက်က စုစုပေါင်း အယောက် ၃၀ ထက်မနည်း သေသွားတယ်လို့ သိရပါတယ်။ - ချင်းပြည်နယ်၊ ဟားခါးအခြေစိုက် အကြမ်းဖက် စစ်ကောင်စီရဲ့ ခလရ ၂၆၆ တပ်က တပ်သား ၁ ဦး လက်နက်ခဲယမ်းတွေနဲ့အတူ အလင်းဝင်လာတဲ့အတွက် အဲ့ဒီ့ တပ်သားကို သိန်း ၅၀ ဆုချီးမြှင့်ပြီး လုံခြုံတဲ့ နေရာကို ပို့ဆောင်ပေးထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
