Khit Thit သတင်းဌာန၏ ဇူလိုင် ၁၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၄ ရက် မနက်ပိုင်းတင်ဆက်ပေးမယ့်သတင်းတွေကတော့ -အကြမ်းဖက်စစ်တပ်က ဒေါ်အောင်ဆန်းစုကြည်နဲ့ ထိုင်းနိုင်ငံခြားရေးဝန်ကြီးကို တွေ့ဆုံခွင့်ပေးကာ နိုင်ငံရေးအမြတ်ထုတ်ဖို့ လိမ်လည်လှည့်ဖြားနေပြီး သွေးကြွေးမှာ ဆွေးနွေးစရာ မရှိ" ဆိုတဲ့ ရပ်တည် ချက်နဲ့ စစ်အာဏာရှင်ကို တော်လှန်သွားမယ်လို့ အထွေထွေသပိတ် ပေါင်းစပ်ညှိနှိုင်းရေး အင်အားစု GSCB တရားဝင် ကြေညာလိုက်ပါတယ်။ - ကရင်နီ(ကယား) ပြည်နယ်၊ ဖားဆောင်းမြို့နယ်၊ ကျောက်ပန်းညိုကျေးရွာကို ဇူလိုင် ၁၂ ရက်နေ့က အကြမ်းဖက် စစ်တပ်ဟာ တိုက် လေယာဉ် နဲ့ ဗုံးကျဲတိုက်ခိုက်ခဲ့ရာ ပြည်သူ ၂ ဦးအပြင်းအထန် ဒဏ်ရာရရှိပြီး ဘုန်းကြီးကျောင်း၊ ဘုရားစေတီများ၊ ကား၊ ဆိုင်ကယ်နှင့် နေအိမ်တွေ မီးလောင် ထိခိုက်ပျက်စီးခဲ့တယ်လို့ Karenni Generaltion Youth မှ တာဝန်ရှိသူတစ်ဦးက ပြောပါတယ်။ - ရှမ်းပြည်နယ်၊ ဖယ်ခုံမြို့နယ်မှာ အကြမ်းဖက်စစ်တပ်ရဲ့ ထောက်ပို့ယာဥ် ၁ စီးကို မိုင်းဆွဲပစ်ခတ် တိုက်ခိုက်ရာ စစ်သား ၄ ဦးသေသွားတဲ့သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
