Khit Thit သတင်းဌာန၏ ဇူလိုင် ၁၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၂ ရက် ညနေပိုင်းတင်ဆက်ပေးမယ့်သတင်းတွေကတော့ -ရှမ်းပြည်နယ်၊ ကွတ်ခိုင်မြို့ကနေ မူဆယ်ဘက်ကို တက်လာတဲ့ အကြမ်းဖက် စစ်ကောင်စီတပ် ယာဥ်တန်းကို KIA တပ်ဖွဲ့ကနေ တိုက်ခိုက်ရာမှာ အကြမ်းဖက် စစ်ကောင်စီတပ်သား ၈ ဦး သေသွားတဲ့အပြင် ၊စစ်ကား ၂ စီးလည်း ပျက်စီးသွားပြီး ၊ ကျန်တဲ့စစ်ကားတွေက လမ်းမှာတွေ့တဲ့ ပြည်သူတွေရဲ့ကားတွေကို အရှိန်နဲ့ဝင်တိုက်ပြီး မောင်း ပြေးသွားကြတယ်လို့ KIA သတင်းရင်းမြစ်ဆီကနေ သိရပါတယ်။ - တနင်္သာရီတိုင်း မြိတ်ခရိုင် ပုလောမြို့နယ်မှာရှိတဲ့ နတ်အိမ်တောင်ကျေးရွာက ပျူစောထီးအဖွဲ့ နဲ့ စစ်ကောင်စီ ထောက်တိုင် သတင်းပေး ဆိုသူတွေရဲ့ နေအိမ် ၄ လုံးနဲ့ ဥယျာဉ်ခြံ တစ်ခြံတို့ကို ပြည်သူ့ကာကွယ်ရေး မဟာမိတ် ပူးပေါင်းအဖွဲ့ကနေ ပြည်သူပိုင်အဖြစ် ချိတ်ပိတ် သိမ်းဆည်းလိုက်တယ်လို့ သိရပါတယ်။ - စစ်ကိုင်းတိုင်း၊ မုံရွာမြို့နယ်က အကြမ်းဖက် စစ်ကောင်စီရဲ့ အနောက်မြောက်တိုင်း စစ်ဌာနချုပ်(နမခ) တပ် အတွင်းကို ပြည်သူ့ကာကွယ်ရေးတပ်ဖွဲ့တွေကနေ ၁၀၇ မမ ရှော့တိုက်ဒုံးနဲ့ ပစ်ခတ်တိုက်ခိုက်ရာမှာ အကြမ်းဖက် စစ်ကောင်စီတပ်သား ၁ ဦး သေသွားပြီး ၊ ဗိုလ်အဆင့်ရှိသူ အပါအဝင် ၉ ဦးပြင်းထန်ဒဏ်ရာရသွားတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
