Khit Thit သတင်းဌာန၏ ဇူလိုင် ၁၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ထိုင်းနိုင်ငံခြားရေးဝန်ကြီး ဟာ ဇူလိုင်လ ၉ ရက်နေ့မှာ နေပြည်တော်ကို လျှို့ဝှက် လာရောက်ခဲ့ပြီး ဒေါ်အောင်ဆန်းစုကြည် နဲ့ တွေ့ဆုံခဲ့တယ်လို့ အာဆီယံ နိုင်ငံခြားရေးဝန်ကြီးများ အစည်းအဝေးမှာ ထုတ်ဖော်ပြောဆိုလိုက်ပါတယ်။ - စစ်အာဏာရှင်တော်လှန်ရေးအတွက် တိုက်ပွဲဝင်နေတဲ့ ပြည်သူ့ကာကွယ်ရေးတပ်မတော် PDF အတွက် လက်နက်ခဲယမ်း၊ ရိက္ခာနဲ့ ဆေးဝါးတွေ အဓိက ဖြည့်တင်းနေပြီဖြစ်တယ်လို့ အမျိုးသားညီညွတ်ရေး အစိုးရ၊ NUG ယာယီ သမ္မတ ဒူဝါလရှီးလ က ပြောဆိုလိုက်ပါတယ်။ - မွန်ပြည်နယ်၊ ကျိုက်ထိုမြို့နယ်၊ ရန်ကုန်-မော်လမြိုင်-အဝေးပြေးလမ်းမ ကြီးပေါ်မှာ အကြမ်းဖက် စစ်ကောင်စီတပ် ယာဉ်တန်းကို KNLA-PDF ပူးပေါင်းတပ်တွေ ပစ်ခတ်တိုက်ခိုက်ရာ စစ်ကားတွေ မောင်းပြေးသွားတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
