Khit Thit သတင်းဌာန၏ ဇူလိုင် ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၁ ရက် ညနေပိုင်းတင်ဆက်ပေးမယ့်သတင်းတွေကတော့ -ချင်းပြည်နယ် တီးတိန်မြို့နယ် သိုင်ငင်း-ကျေးရွာမှာရှိတဲ့ အကြမ်းဖက် စစ်ကောင်စီ တပ်စခန်းကို ချင်းဒေသ ကာကွယ်ရေးတပ်ဖွဲ့တွေကနေ တိုက်ခိုက်နေရာမှာ တိုက်ပွဲပြင်းထန်နေပြီး စစ်တပ်ဘက်က အထိနာနေတဲ့အပြင်၊ တိုက်လေယာဉ်တွေနဲ့ပါ ဗုံးကျဲ ပစ်ခတ်နေတယ်လို့ တော်လှန်ရေး သတင်းရင်း မြစ်တွေဆီကနေ သိရပါတယ်။ - ရှမ်းပြည်နယ်၊ ကျောက်မဲမြို့နယ်၊ မိုင်းငေါ့မြို့မှာ အကြမ်းဖက် စစ်ကောင်စီတပ်နဲ့ TNLA တပ်အကြား တိုက်ပွဲဖြစ်ပွားခဲ့ပြီး စစ်ရေး တင်းမာနေတယ်လို့ တအာင်းတပ်မတော် TNLA တပ်ဆီကနေ သိရပါတယ်။ - အရှေ့တီမောနိုင်ငံကို သွားရောက်ခဲ့တဲ့ NUG အစိုးရ ပြည်ထောင်စုဝန်ကြီး ဦးဆောင်တဲ့ ကိုယ်စားလှယ် အဖွဲ့က နိုင်ငံရေးဆိုင်ရာ သဘောတူညီချက်တွေကို အောင်မြင်စွာ ဆွေးနွေးနိုင်ခဲ့တယ်လို့ NUG အစိုးရရဲ့ နိုင်ငံခြားရေးဝန်ကြီးဌာနကနေ ထုတ်ပြန်ကြေညာခဲ့ပါတယ်။
