Khit Thit သတင်းဌာန၏ ဇူလိုင် ၁၀ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၀ ရက် မနက်ပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံတစ်ဝန်း အကျဉ်းထောင်တွေကနေ နိုင်ငံရေးအကျဉ်းသားတွေကို ထောင်မှ ထုတ်၍ ပစ်ခတ်သတ်ဖြတ် မှုတွေဟာ အကြောက်တရားနဲ့ ပြည်သူကို ပိပြားစေဖို့ စစ်ကောင်စီက ရည်ရွယ်လုပ်ဆောင်တဲ့ ရက်စက် ယုတ်မာတဲ့လုပ်ရပ်အဖြစ် ၈၈ မျိုးဆက်ကျောင်းသားခေါင်း ဆောင် ဦးမင်းကိုနိုင်က ရှုတ်ချလိုက်ပါတယ်။ -အမေရိကန်အပါအဝင် အနောက်နိုင်ငံတွေ၊ ဥရောပသမဂ္ဂနဲ့နိုင်ငံတကာရဲ့ စီးပွားရေးပိတ်ဆို့မှုကြောင့် စစ်ကောင်စီ မိတ်ဖက် MAI လေကြောင်းလိုင်းပိုင် ဘဏ်စာရင်းအကောင့်ကို စင်ကာပူ UOB ဘဏ်က ဩဂုတ် ၁၅ ရက်နေ့မှာ အပြီးပိတ်သိမ်းမှာဖြစ်တယ်လို့ MAI က မိတ်ဖက် စီးပွားရေးကုမ္ပဏီတွေဆီ အကြောင်းကြားစာအရ သိရှိရပါတယ်။ -မြန်မာနိုင်ငံမှ အကြမ်းဖက် စစ်ကောင်စီ ကျူးလွန်နေတဲ့ ရာဇဝတ်မှု၊ အကြမ်းဖက်မှုတွေဟာ နိုင်ငံတကာက သတ်မှတ်ထားတဲ့ ဥပဒေတွေကို ဆိုးဆိုးဝါးဝါး ချိုးဖောက်တဲ့ အဆင့်ကို ရောက်ရှိနေတယ်လို့ လူ့အခွင့်အရေး ကောင်စီမှာ အစီရင်ခံစာ တင်သွင်းခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
