Khit Thit သတင်းဌာန၏ ဇူလိုင် ၈ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၈ ရက် ညနေပိုင်းတင်ဆက်ပေးမယ့်သတင်းတွေကတော့ -ဂျပန်-အာဆီယံ တရားရေးဝန်ကြီးများ အစည်းအဝေးကို တက်ရောက်ဆိုပြီး စစ်ကောင်စီ ကိုယ်စားလှယ်တွေဟာ ဂျပန်ကို ရောက်ရှိနေခဲ့ပေမယ့် လူရာသွင်းမခံရဘဲ တက်ရောက်ခွင့် ပိတ်ပင်ခံလိုက်ရပါတယ်။ - ပဲခူးတိုင်း ၊ ဒိုက်ဦးအကျဉ်းထောင်က ပဲခူးခရိုင် ဗကသ ဒုဥက္ကဌ ကိုခန့်လင်းနိုင်အပါအဝင် နိုင်ငံရေးအကျဉ်းသား ၅ ဦးကို ထောင်ပြောင်းမယ်လို့ပြောပြီးတော့ အကြမ်းဖက် စစ်ကောင်စီတပ်က အပြင်ခေါ်ထုတ်သွားပြီး ပစ်ခတ်သတ် ဖြတ်လိုက်တယ်လို့ နိုင်ငံရေး အကျဉ်းသားတွေကို ကူညီပေးသူတချို့ဆီကနေ သိရပါတယ်။ - ပဲခူးတိုင်း၊ ဒိုက်ဦးအကျဉ်းထောင်က ထောင်ပိုင် လက်ထောက်ညွှန်ကြားရေးမှူး ဦးရန်နိုင်ထွန်း ဆိုသူနဲ့ ထောင်ဝန်ထမ်း ၆ ဦးကို PDF နဲ့ ဆက်သွယ်တယ်ဆိုတဲ့ မသင်္ကာမှုနဲ့ စစ်ကောင်စီတပ်က သူ့လူအချင်းချင်း ပြန်ပြီးတော့ ဖမ်းဆီးတရားစွဲထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
