Khit Thit သတင်းဌာန၏ ဇူလိုင် ၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၄ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မန္တလေးပြည်သူ့ကာကွယ်ရေးတပ်မတော် MDY-PDF အတွက် ဦးမင်းကိုနိုင်ရဲ့ ပြည်တော်ဝင် ပန်းချီကားဟာ ကျပ်သိန်း၄၀၀ နီးပါးနဲ့ လေလံ အောင်သွားတဲ့အပြင် ၊မန္တလေးကို ပြန်လည် ရယူမယ့် ပြည်တော်ဝင် ပရောဂျက်အတွက် အမေရိကန်ဒေါ်လာ ၁ သိန်း ၇ သောင်း ကျော်ရရှိထားတယ်လို့ သိရပါတယ်။ -မွန်ပြည်နယ်၊ ကျိုက်ထိုမြို့နယ်၊ သိမ်ဇရပ်မြို့မှာ အကြမ်းဖက် စစ်ကောင်စီရဲ့ စစ်ဆေးရေးဂိတ်ကို တော်လှန်ရေးအင်အားစု တပ်ဖွဲ့တွေကနေ ပစ်ခတ်တိုက်ခိုက်ရာ အကြမ်းဖက် စစ်ကောင်စီတပ်ဖွဲ့ဝင် ၂ ဦး သေသွားတယ်လို့ တော်လှန်ရေး သတင်းရင်းမြစ်တွေဆီကနေ ကနဦး သိထားရပါတယ်။ - စစ်ကိုင်းတိုင်း၊ ဆားလင်းကြီး မြို့ကနေ ထွက်လာတဲ့ အကြမ်းဖက် စစ်ကောင်စီတပ် နဲ့ ပျူစောထီး အင်အား ၈၀ ဝန်းကျင်ပါ ရေယာဉ်တစ်စီးကို ပြည်သူ့ကာကွယ်ရေးတပ်ဖွဲ့တွေကနေ ပူးပေါင်းတိုက်ခိုက် ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
