Khit Thit သတင်းဌာန၏ ဇူလိုင် ၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -အကြမ်းဖက် စစ်ကောင်စီတပ်ကို တန်ပြန် ထိုးစစ်ဆင်ဖို့ ရန်ကုန်-မန္တလေး အမြန်လမ်းနဲ့ လမ်းဟောင်း၊ ပဲခူး-စစ်တောင်းလမ်း၊ ရန်ကုန်-မုတ္တမလမ်း၊ ရန်ကုန်-ဘားအံလမ်းပိုင်းတွေမှာ နေ့စဉ် ညနေ ၆ နာရီကနေ မနက် ၆ နာရီအတွင်း သွားလာခြင်းမပြုလုပ်ဖို့ PDF တပ်ဖွဲ့ကနေ သတိပေးချက် ထုတ်ပြန် လိုက်ပါတယ်။ - ကယားပြည်နယ်၊ ဘောလခဲမြို့နယ်၊ မြို့သစ်မြို့နယ်ခွဲ၊ သံလွင်မြစ်ဘေးက BGF တပ်ရင်း ၁၀၀၅ အနီးမှာ အကြမ်းဖက်စစ်ကောင်စီတပ်ရဲ့ ဂျက်တိုက်လေယာဉ် တစ်စီးကို ပစ်ချနိုင်ခဲ့တယ်လို့ ကရင်နီပြည် လူမျိုး ပေါင်းစု ပြည်သူ့လွတ်မြောက်ရေးတပ်ဦး (ကလလတ) ရဲ့ ခေါင်းဆောင်တစ်ဦးက ရန်ကုန်ခေတ်သစ် ကို အတည်ပြုပြောဆိုထားပါတယ်။ -စစ်ကိုင်းတိုင်း၊ ဖောင်းပြင်မြို့နယ်မှာ တိုက်ပွဲ ပြင်းထန်ပြီး အကြမ်းဖက် စစ်ကောင်စီဘက်က ၃ ဦးသေသွားတဲ့အပြင် လက်နက်ခဲယမ်းအချို့ကိုပါ သိမ်ဆည်းရရှိထားပြီး၊ တော်လှန်ရဲဘော် ၂ ဦးလည်း မြင့်မြတ်စွဦ အသက်ပေးလှူသွားရသလို ၊ ပြည်သူ ၂ ဦးကိုလည်း အကြမ်းဖက် စစ်ကောင်စီတပ်က သတ်ဖြတ်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
