Khit Thit သတင်းဌာန၏ ဇွန် ၃၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၃၀ ရက် ညနေပိုင်းတင်ဆက်ပေးမယ့်သတင်းတွေကတော့ -ထိုင်းအစိုးရက ဖမ်းဆီးထားတဲ့ မင်းအောင်လှိုင်ရဲ့ စီးပွားဖက် လက်နက်ပွဲစား၊ မူးယစ်ရာဇာ ထွန်းမင်းလတ်နဲ့ မင်းအောင်လှိုင်သမီး ခင်သီရိသက်မွန်တို့ ပူးတွဲ တည်ထောင်ထားတဲ့ တော်ဝင်-မောတောင်သတ္တုတူးဖော်ရေး အပါအဝင် Star Sapphire Group ရဲ့ ကုမ္ပဏီ ၃ ခုကို ဖျက်သိမ်းလိုက် တယ်လို့ ဇွန်လထုတ် မြန်မာနိုင်ငံ ပြန်တမ်းမှာ ဖော်ပြထားပါတယ်။ - အကြမ်းဖက်စစ်အာဏာရှင်ကို တော်လှန်ဖို့ မြို့ပြစစ်ဆင်ရေး သာမက တိုင်းအဆင့်အထိပါ စစ်ဆင်ရေး ဆောင်ရွက်တော့မှာဖြစ်တာကြောင့် ပြည်သူတွေ အား လုံး ပူးပေါင်းပါဝင်ကြဖို့ Lion Battalion Commando စစ်ကြောင်း ခေါင်းဆောင် ဗိုလ်အယ်စေးဝါးက တိုက်တွန်းပြောဆိုလိုက်ပါတယ်။ - စစ်ကိုင်းတိုင်း၊ မော်လိုက်မြို့နယ်၊ တောင်းအင်ကျေးရွာမှာရှိတဲ့ အကြမ်းဖက် စစ်ကောင်စီတပ် အထိုင်စခန်း ကို ဒီကနေ့ ဇွန်လ ၃၀ ရက်နေ့ မနက်ပိုင်းမှာ တော်လှန်ရေး တပ်ဖွဲ့တွေကနေ ဝင်ရောက် တိုက်ခိုက်ခဲ့ပြီး အကြမ်းဖက် စစ်ကောင်စီဘက်က ၃ ပွင့် ဗိုလ် ၁ ဦး အပါအဝင် ၂ ဦး ကို အရှင်ဖမ်းမိထားတဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
