Khit Thit သတင်းဌာန၏ ဇွန် ၂၉ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၉ ရက် ညနေပိုင်းတင်ဆက်ပေးမယ့်သတင်းတွေကတော့ -မွန်ပြည်နယ်၊ သထုံမြို့နယ် နဲ့ ဘီးလင်းမြို့နယ်အကြားက ကျုံအိတ်တံတား မိုင်းခွဲခံရမှုကို လာရောက် စစ်ဆေးတဲ့ အကြမ်းဖက် စစ်ကောင်စီတပ်နဲ့ ဌာနဆိုင်ရာအဖွဲ့ကိုပစ်ခတ်တိုက်ခိုက်မှုမှာ စစ်တပ်ဘက်က ဗိုလ်မှူးကြီး ၊ ဒုဗိုလ်မှူးကြီး အပါအဝင် အရာရှိ ၆ ဦး ဒဏ်ရာရပြီး ဗိုလ်ကြီး ၁ ဦးကတော့ သေနိုင် ဖွယ်ရှိနေတယ်လို့ စစ်ဘက် ကြေးနန်းသတင်းအရ သိရပါတယ်။ - စစ်ကိုင်းတိုင်း၊ ဝက်လက်မြို့ပေါ်က မီးသတ်စခန်း နဲ့ အနီးပတ်ဝန်းကျင်က ကျေးရွာတွေကို ဒီကနေ့ ဇွန်လ ၂၉ ရက်နေ့ မနက် ၉ နာရီလောက်က အကြမ်းဖက် စစ်ကောင်စီတပ်ကနေ တိုက်လေယာဉ် နဲ့ ဗုံးကျဲတဲ့အချိန် သူတို့ရဲ့ မီးသတ်ရုံးကို ထိမှန်သွားတဲ့အတွက် မီးသတ်ရုံးပြိုကျသွားတဲ့အပြင် စစ်အရာရှိ တစ်ဦးအပါအဝင် အများအပြားဒဏ်ရာရသွားတယ်လို့ ဝက်လက်မြို့နယ်နေ ပြည်သူတွေက ရန်ကုန် ခေတ်သစ်ကို ပြောပါတယ်။ -ရန်ကုန်တိုင်း၊ သင်္ဃန်းကျွန်းမြို့နယ်မှာ အစ္စလမ် ဘာသာဝင်တွေရဲ့ ကုရ်ဘာနီ အီးဒ်နေ့ ကျင်းပနေ တဲ့အချိန် အကြမ်းဖက် စစ်ကောင်စီတပ်သား နဲ့ ရဲတွေအပါအဝင် စည်ပင်နဲ့ရပ်ကွက်အုပ်ချုပ်ရေးမှူး ပူး ပေါင်း အဖွဲ့တွေကနေဝင်ဖမ်းပြီး အီးဒ်နေ့ အတွက် စီစဉ်ထားတဲ့ ဆိတ်တွေ နွားတွေ အားလုံးကို သိမ်းဆည်းသွားတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
