Khit Thit သတင်းဌာန၏ ဇွန် ၂၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၄ ရက် ညနေပိုင်းတင်ဆက်ပေးမယ့်သတင်းတွေကတော့ -တနင်္သာရီတိုင်း၊ လောင်းလုံးမြို့နယ်က အကြမ်းဖက်စစ်ကောင်စီရဲ့ မောင်းမကန် ရဲစခန်းက ကင်းလှည့် လာတဲ့ ရဲကားကို ပြည်သူ့ကာကွယ်ရေးတပ်ဖွဲ့တွေကနေ ကြားဖြတ်တိုက်ခိုက်ရာမှာ အကြမ်းဖက် စစ်ကောင်စီဘက်က ဒုရဲအုပ် စစ်အောင်သူထွန်း နဲ့ ရဲတပ်ကြပ်ကြီး ရဲညွန့် ဆိုသူတို့ဟာ ပွဲချင်းပြီး သေသွားတယ်လို့ ရဲကြေးနန်းအရ သိရပါတယ်။ - ကရင်နီပြည်နယ်၊ ဖားဆောင်းမြို့နယ်၊ သံလွင်မြစ် အရှေ့ဖက်ကမ်းကို စစ်ကြောင်းထိုးဝင်ရောက် လာတဲ့ အကြမ်းဖက် စစ်ကောင်စီတပ် စစ်ကြောင်းကို ကရင်နီ ပူးပေါင်းတပ်တွေကနေ တိုက် ခိုက်ရာမှာ အကြမ်းဖက် စစ်ကောင်စီဘက်က ၁၀ ဦးထက်မနည်းသေသွားတဲ့ အပြင် အများ အပြား ဒဏ်ရာရသွား တယ်လို့ ဖားဆောင်း PDF တပ်ဖွဲ့ရဲ့ တာဝန်ရှိသူတစ်ဦးက ရန်ကုန် ခေတ်သစ်ကို ပြောပါတယ်။ - တနင်္သာရီတိုင်း၊ ထားဝယ်ခရိုင်၊ ရေဖြူမြို့နယ်၊ ကံပေါက်ဒေသမှာ အမျိုးသမီး ၄ ဦးကို ပန်းသပိတ်မှာ ပါဝင်တယ်ဆိုပြီး အကြမ်းဖက် စစ်ကောင်စီတပ်က ဖမ်းဆီးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
