Khit Thit သတင်းဌာန၏ ဇွန် ၂၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၂ ရက် ညနေပိုင်းတင်ဆက်ပေးမယ့်သတင်းတွေကတော့ -ရန်ကုန်တိုင်း၊ မြောက်ဥက္ကလာပမြို့နယ်၊ (ဈ)ရပ်ကွက်၊ မေဓာဝီလမ်းမှာရှိတဲ့“မြတ်မောင်” စိန်ရွှေ ရတနာဆိုင် ဓားပြတိုက်မှုကို အကြမ်းဖက် စစ်ကောင်စီရဲ့ ထားဝယ်မြို့အခြေစိုက် ခလရ ၁၀၄ တပ်ရင်းက ဗိုလ်ကြီးထူးဇော်ဝင်း ရဲ့ တူဖြစ်သူ နဲ့ ယောက်ဖ ဖြစ်သူတို့က ဦးဆောင်ခဲ့တာဖြစ်တယ်လို့ ရန်ကုန်ခေတ်သစ်ရဲ့ သတင်းရင်းမြစ်က ပြောပါတယ်။ - မကွေးတိုင်း၊ ပခုက္ကူမြို့နယ်၊ ကမ္မမြို့မှာ အကြမ်းဖက် စစ်ကောင်စီတပ်သားနဲ့ ပျူစောထီးတွေ လိုက်ပါလာတဲ့ အိမ်စီးကားကို ပြည်သူ့ကာကွယ်ရေးတပ်ဖွဲ့တွေကနေ ပစ်ခတ်တိုက်ခိုက်ရာမှာ အကြမ်းဖက်စစ်ကောင်စီဘက်က ၈ ဦးသေသွားတဲ့ အပြင် ကားကိုပါ မီးရှို့ရှင်းလင်းခဲ့တယ်လို့ ပခုက္ကူမြို့နယ် ပကဖ အဖွဲ့ဆီကနေ သိရပါတယ်။ - မွန်ပြည်နယ်၊ ရေးမြိုနဲ့ သံဖြူဇရပ်မြို့ အကြားမှာရှိတဲ့ မော်လမြိုင်-ရေး-ထားဝယ် ၊အမှတ်-၈ ပြည် ထောင်စုလမ်းမကြီးပေါ်မှာ တော်လှန်ရေးတပ်ဖွဲ့တွေကနေ စိုးမိုး နေရာယူထားပြီး ၊ KNLA၊ S.O.F နဲ့ PDF ပူးပေါင်းစစ်ကြောင်းတွေကနေ နေ့စဉ်မပြတ် လုံခြုံရေးယူ စောင့်ကြည့်စစ်ဆေးနေတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
