Khit Thit သတင်းဌာန၏ ဇွန် ၂၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -အကြမ်းဖက် စစ်ကောင်စီ လက်အောက်ခံ မြန်မာ့နိုင်ငံခြားကုန်သွယ်မှုဘဏ် (MFTB) ၊ မြန် မာ့ ရင်းနှီး မြှုပ်နှံမှုနှင့်ကုန်သွယ်ရေးဘဏ် (MICB) တို့ကို အမေရိကန်ပြည်ထောင်စုကနေ စီးပွားရေးဒဏ်ခတ် ပိတ်ဆို့ကြောင်း ဇွန်လ ၂၁ ရက်နေ့မှာ တရားဝင် ကြေညာပြီးတဲ့နောက်မှာတော့ မြန်မာ့စီးပွားရေးကဏ္ဍ တစ်ခုလုံး ထိခိုက်မှုတွေ ရှိလာမှာဖြစ်တဲ့အတွက် စစ်ကောင်စီက စီးပွားရေးဒဏ်ခတ်မှုကို တုံ့ပြန်ဖို့ဆိုပြီး အစည်းအဝေး ခေါ်ယူဖို့တွေလုပ်နေတယ်လို့ ရန်ကုန်ခေတ်သစ်ရဲ့ နေပြည်တော် စစ်ကောင်စီ သတင်းရင်းမြစ်က ပြောပါတယ်။ - စစ်ကိုင်းတိုင်း၊မြောင်မြို့ပေါ်က အကြမ်းဖက် စစ်ကောင်စီ တပ်စွဲထားသော မြောင်မြို့မ ရဲစခန်းကို ဇွန်လ ၂၁ ရက်နေ့ မနက်အစောပိုင်းက PDF တပ်ဖွဲ့တွေကနေ လက်နက်ကြီး၊ လက်နက်ငယ်တွေနဲ့ ဝင်ရောက်စီးနင်း တိုက်ခိုက်ရာမှာ အကြမ်းဖက် စစ်ကောင်စီဘက်က ထိခိုက်သေဆုံးမှုတွေ ရှိသွားတယ် လို့ LPDF SINTGAING တပ်ဖွဲ့ ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - ကရင်နီပြည်နယ်၊ ဖရူဆိုမြို့နယ် အနောက်ခြမ်းက ကျေးရွာကို အကြမ်းဖက် စစ်ကောင်စီတပ်က တိုက်လေယာဉ်နဲ့ ဗုံးကျဲတိုက်ခိုက်မှုကြောင့် နေအိမ်တွေ ထိခိုက်ပျက်စီးခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
