Khit Thit သတင်းဌာန၏ ဇွန် ၁၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၉ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ကလေးမြို့မှာ ပန်းပန်ထားတဲ့အမျိုးသမီး အယောက် နှစ်ဆယ်ဝန်းကျင်ကို အကြမ်းဖက် စစ်ကောင်စီက ဒီကနေ့ ဇွန် ၁၉ ရက်နေ့ မနက်ပိုင်းမှာ ဖမ်းဆီးခဲ့တယ်လို့ ဒေသခံပြည်သူတွေက ပြောပါတယ်။ - မြန်မာနိုင်ငံတစ်ဝန်းက စစ်အာဏာရှင်ကို ဆန့်ကျင်တဲ့ ပြည်သူလူထုတွေဟာ ဒေါ်အောင်ဆန်းစုကြည် ရဲ့ ၇၈ နှစ်ပြည့် မွေးနေ့ ပန်းသပိတ် လှုပ်ရှားမှုမှာ အတူတွကွ ပူးပေါင်းပါဝင်ခဲ့ကြသလို ၊ ဒီကနေ့ဇွန်လ ၁၉ ရက်နေ့ ညနေပိုင်း ထပ်မံရရှိထားတဲ့ အချက်အလက်အရ စစ်ရေးတင်းမာနေတဲ့ ဒေသတွေမှာလည်း နိုင်ငံတော်၏ အတိုင်ပင်ခံ ပုဂ္ဂိုလ် ဒေါင်ဆောင်ဆန်းစုကြည်ရဲ့ မွေးနေ့အထိမ်းအမှတ်ပွဲနဲ့ ပန်းသပိတ်ကို ပြုလုပ်ခဲ့ကြတယ်လို့ သိရပါတယ်။ - ပြင်သစ် ၊ နယ်သာလန် နဲ့ အမေရိကန်နိုင်ငံ၊ ကယ်လီဖိုးနီးယားပြည်နယ်တွေမှာ ဒီကနေ့ ဇွန်လ ၁၉ ရက်နေ့မှာ ကျရောက်တဲ့ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မွေးနေ့နဲ့ တော်လှန်ရေး ရန်ပုံငွေ စျေးရောင်းပွဲကို ပြုလုပ်ခဲ့ကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
