Khit Thit သတင်းဌာန၏ ဇွန် ၁၇ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၇ ရက် မနက်ပိုင်းတင်ဆက်ပေးမယ့်သတင်းတွေကတော့ -ဗိုလ်ချုပ်ကြီး ပရာယွတ် ဦးဆောင်တဲ့ ထိုင်းနိုင်ငံ အာဏာသိမ်း စစ်အစိုးရက ရွေးကောက်ပွဲ ရှုံးနိမ့်ပြီး နောက် အာဏာသက်တမ်း မကုန်မီ မြန်မာ့အရေး Track1.5 ဆွေးနွေးပွဲကို ဦးဆောင်ကျင်းပ မှာဖြစ်ပြီး စစ်ကောင်စီ နိုင်ငံခြား ရေးဝန်ကြီးကို ဖိတ်ကြားမှာဖြစ်တယ်လို့ သိရပါတယ်။ -စစ်ကိုင်းတိုင်း၊ ဆားလင်းကြီးမြို့နယ်ရှိ ညောင်ပင်ကြီးရွာမှာ အကြမ်းဖက် စစ်တပ်က တပ်စခန်း တည်ဆောက်ဖို့ မုံရွာမှ ဆောက်လုပ်ရေး ပစ္စည်းတွေကို ရေလမ်းနဲ့ သယ်ယူနေတယ်လို့ အညာ ပစ်တိုင်းထောင်လေးများ အဖွဲ့မှ တာဝန်ရှိသူ တစ်ဦးက ပြောပါတယ်။ - အကြမ်းဖက် စစ်ကောင်စီကို ဩစတြီးယား နည်းပညာ ကုမ္ပဏီတစ်ခုဖြစ်တဲ့ Diamond Aircraft Industries က အီးယူရဲ့ လက်နက်ပိတ်ဆို့ ကန့်သတ်မှုတွေကြားထဲက စစ်ဘက်ဆိုင်ရာ နည်းပညာ လွှဲပြောင်း ပေးအပ်မှုတွေ ပြုလုပ်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
