Khit Thit သတင်းဌာန၏ ဇွန် ၁၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၆ ရက် ညနေပိုင်းတင်ဆက်ပေးမယ့်သတင်းတွေကတော့ -ရှမ်းပြည်နယ်မှာရှိတဲ့ အကြမ်းဖက် စစ်ကောင်စီရဲ့ နမ့်စန်မြို့နယ် လေတပ်ကို စာရင်းစစ်ဝင်တဲ့အချိန် အထက် လူကြီး အဆင့်ဆင့်တွေရဲ့ ခိုးယူမှုကြောင့် စားရင်းမကိုက်ဘဲ အပြစ်ပုံချခံရတဲ့အတွက် တပ်ကြပ်မြင့်ဦး ဆိုသူဟာ သူကိုသူ ကြိုးဆွဲချ သတ်သေသွားတယ်လို့ တပ်တွင်း သတင်းရင်းမြစ်က ရန်ကုန်ခေတ်သစ် ကို ပြောပါတယ်။ - မန္တလေးတိုင်း၊ သပိတ်ကျင်းမြို့နယ်၊ ကိုးပင်ကျေးရွာအနီးမှာ အကြမ်းဖက် စစ်ကောင်စီတပ်က ပြည်သူ ၃ ဦးကို မိုင်းထောင်ခိုင်းပြီး နှုတ်ပိတ်တဲ့ အနေနဲ့ ပစ်သတ်ခဲ့တယ်လို့ သပိတ်ကျင်း-Revolution TR အဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - နိုင်ငံတော်၏ အတိုင်ပင်ခံပုဂ္ဂိုလ်၊ လူထုခေါင်းဆောင် ဒေါ်အောင်ဆန်းစုကြည်ရဲ့ ၇၈ နှစ်မြောက် မွေးနေ့ အဖြစ် “ဗေဒါပျံ အံကိုခဲ ပန်းပန်လျက်ပဲ” ပန်းသပိတ်မှာ ပြည်သူတွေ ပါဝင်ပေးကြဖို့ မန္တလေးသပိတ် ခေါင်းဆောင် ဒေါက်တာတေဇာဆန်းက ပြည်သူတွေကို တိုက်တွန်းလိုက်တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
