Khit Thit သတင်းဌာန၏ ဇွန် ၁၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၆ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မွန်ပြည်နယ်၊ ရေးမြို့နယ်က အကြမ်းဖက် စစ်ကောင်စီတပ်နဲ့ ရဲတွေ အပါအဝင် Non-CDM ဌာနဝန်ထမ်း တွေအားလုံးကို ခွင့်ပြုချက်မရဘဲ ခရီးမသွားကြဖို့ နဲ့ ရေးမြို့နယ်ကနေ ထွက်ခွာခြင်း မပြုကြဖို့ စစ်ကောင်စီ ရဲ့ အမှတ် ၁၉ စစ်ဆင်ရေး ကွပ်ကဲမှု ဌာနချုပ်ကနေ လျှို့ဝှက် အမိန့် ညွှန်ကြားချက်တစ်ရပ် ထုတ်ပြန်လိုက်ပါတယ်။ - မကွေးတိုင်း၊ ပေါက်မြို့နယ်အတွင်းက အကြမ်းဖက် စစ်ကောင်စီရဲ့ လက်နက်စက်ရုံ ကပစ-၂၄ အတွက် ရိက္ခာလာပို့တဲ့ စစ်ကြောင်းကို ဇွန်လ ၁၅ ရက်နေ့ မွန်းလွဲပိုင်းက မိုင်းဆွဲတိုက်ခိုက်ရာမှာ အကြမ်းဖက် စစ်ကောင်စီဘက်က သေဆုံးထိခိုက်မှု များတယ်လို့ ပေါက်မြို့နယ် -ပြည်သူ့ကာကွယ်ရေးတပ်ဖွဲ့ ရဲ့ တာဝန်ရှိသူတစ်ဦးက ရန်ကုန်ခေတ်သစ် ကိုပြောပါတယ်။ - မကွေးတိုင်း၊ ဂန့်ဂေါရဲစခန်းမှာ ဖမ်းဆီးထားတဲ့ နိုင်ငံရေးအကျဥ်းသားနှစ်ဦးကို အကြမ်းဖက် စစ်ကောင်စီ တပ်က ဇွန်လ ၁၁ ရက်နေ့မှာ ရဲစခန်းအချုပ်ခန်းထဲကနေ မြို့ပြင်ကို ခေါ်ထုတ်ပြီး ပစ်ခတ်သတ်ဖြတ်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
