Khit Thit သတင်းဌာန၏ ဇွန် ၁၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၄ ရက် ညနေပိုင်းတင်ဆက်ပေးမယ့်သတင်းတွေကတော့ -ယူကရိန်းကို ပေးအပ်နေတဲ့ အကူအညီရဲ့ ၁ ရာခိုင်နှုန်းလောက်သာ မြန်မာ့ နွေဦးတော် လှန်ရေးအတွက် ထောက်ပံ့မယ်ဆိုရင် စစ်အာဏာရှင်ကို အချိန်တိုအတွင်း အပြတ်ဖြုတ်ချနိုင်တယ်လို့ KIA ဒုဗိုလ်ချုပ်ကြီး ဂွန်မော်၊ NUG ကာကွယ်ရေးဝန်ကြီး ဦးရည်မွန် နဲ့ ဦးမင်းကိုနိုင်တို့ကနေ နိုင်ငံတကာကို ပြောဆို အကူအညီတောင်းလိုက်ပါတယ်။ - ရှမ်း-ကယား -နယ်စပ် ဖယ်ခုံမြို့နယ်မှာ ၁၁ ရက်ကြာ ဖြစ်ပွားခဲ့တဲ့ တိုက်ပွဲအတွင်း အကြမ်းဖက်စစ်ကောင်စီဘက်က အရာရှိ ၁ ဦးအပါအဝင် ၂၇ ဦးသေသွားတဲ့အပြင် ၊ လက်နက်ခဲယမ်းတွေကိုပါ သိမ်းဆည်းရရှိခဲ့တယ်လို့ PDF - Pekhon တပ်ဖွဲ့ကနေ ဒီကနေ့ ဇွန်လ ၁၄ ရက်နေ့မှာ တရားဝင် ထုပ်ပြန်လာပါတယ်။ -မွန်ပြည်နယ်၊ ရေးမြို့မှာရှိတဲ့ ဝင်းသုခရွှေစျေးက ရွှေလဝန်း- ရွှေဆိုင်ကို ဇွန်လ ၁၃ ရက်နေ့ မနက် ၇ နာရီလောက်က ပျူစောထီးတွေကနေ ဓားပြတိုက်ပြီး သိန်း ၈၀၀ ကျော် ရွှေထည်ပစ္စည်းတွေကို ယူဆောင်သွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
