Khit Thit သတင်းဌာန၏ ဇွန် ၁၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မြန်မာနိုင်ငံတစ်ဝန်းမှာရှိတဲ့ အကြမ်းဖက် စစ်ကောင်စီရဲ့ တပ်ရင်းတပ်ဖွဲ့တွေ ၊ စခန်းတွေ နဲ့ ဝန်ကြီး ဌာနဆိုင်ရာ ရုံးပေါင်းစုံမှာ ပရိတ်၊ ပဌာန်း ၊ ဓမ္မစကြာ ရွတ်ပွဲတွေကို မဖြစ်မနေ ပြုလုပ် နေကြရတဲ့အပြင် ၊ ဘုရားစေတီတွေမှာ ကပ်ရမယ့် ဆွမ်းဟင်း နဲ့ ပူဇော်ရမယ့် ပန်းအရောင်တွေကိုပါ စစ်ကောင်စီက ညွှန် ကြားချက်တွေ ပေးထားတယ်လို့ ရန်ကုန်ခေတ်သစ်ရဲ့ သတင်းရင်းမြစ်ဆီကနေ သိရါပါတယ်။ - ကရင်နီပြည် ကြားကာလ အုပ်ချုပ်ရေးကောင်စီကို ဒီကနေ့ ဇွန်လ ၁၂ ရက်နေ့မှာ တရားဝင်ထူထောင် လိုက်ပြီဖြစ်တဲ့အပြင်၊ ကြားကာလ ပြည်နယ် အစိုးရအုပ်ချုပ်ရေး ကို ဖော်ဆောင်သွားမှာ ဖြစ်တယ်လို့ အုပ်ချုပ်ရေးကောင်စီရဲ့ ဥက္ကဋ္ဌ ခူဦးရယ် က ကြေညာလိုက်ပါတယ်။ -စစ်ကိုင်းတိုင်း၊ ကသာမြို့နယ်၊ ညောင်ခြေထောက် ကျေးရွာမှာ အလှူလုပ်နေတဲ့ အလှူ ရှင် ကိုဖိုးညို ဆိုသူကို အကြမ်းဖက် စစ်ကောင်စီတပ်က ဖမ်းဆီး သတ်ဖြတ်လိုက်ပြီးမှ ပြောက်ကျားစစ်ဝတ်စုံ ဝတ်ပေးပြီး အလောင်းကိုစွန့်ပစ်ခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
