Khit Thit သတင်းဌာန၏ ဇွန် ၉ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၉ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ ကျောက်ကြီး-မြို့နယ်၊ နတ်သံကွင်း တိုက်ပွဲမှာ သေသွားတဲ့ အကြမ်းဖက် စစ်ကောင်စီ တပ်သားတွေရဲ့ မသာအလောင်းတွေကို အကြမ်းဖက် စစ်ကောင်စီဘက်က ပြန်လည်ကောက်ယူ ခြင်းမရှိဘဲ ပုတ်ပွတဲ့ အနေအထားတွေနဲ့ တွေ့နေရပြီး လက်ရှိမှာ စစ်သားအလောင်းအရေ အတွက်ဟာ ၆၀ ကျော်ပြီဖြစ်တယ်လို့ ပဲခူးတိုင်း PDF ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ ကလေးမြို့နယ်၊ သာစည် ကျေးရွာ ၊ မဟာအောင်မြေ ဘုန်းတော်ကြီးကျောင်း အနောက် ဘက် ပန်းစိုက်ခြံအနီးမှာ အကြမ်းဖက်စစ်ကောင်စီ စစ်ကြောင်းကို ပြည်သူ့ကာကွယ်ရေး တပ်ဖွဲ့တွေ ကနေ ၂ ကြိမ်မိုင်းဆွဲတိုက်ခိုက်ရာမှာ အကြမ်းဖက် စစ်ကောင်စီဘက်က ၈ ဦးသေသွားတယ်လို့ NUG ကာကွယ်ရေးဝန်ကြီးဌာနဆီကနေ သိရပါတယ်။ - အမျိုးသားညီညွတ်ရေးအစိုးရ NUG ရဲ့ လူ့အခွင့်အရေးအကြံပေး ဦးအောင်ကျော်မိုးရဲ့ အစ်ကိုဖြစ်သူဟာ ဇွန်လ ၇ ရက်နေ့ ညပိုင်းက ဓားနဲ့ ထိုးသတ်ခံလိုက်ရပြီး စစ်တပ်ထောက်ခံတဲ့သူတွေက သူတို့လက် ချက်ဖြစ်တယ်လို့ လူမှုကွန်ရက်မှာ မှတ်ချက်ရေးသား အောင်ပွဲခံခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
