Khit Thit သတင်းဌာန၏ ဇွန် ၇ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၇ ရက် ညနေပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ ကျောက်ကြီးမြို့နယ်က ကျေးရွာတွေကို ဒီကနေ့ ဇွန်လ ၇ ရက်နေ မွန်းလွဲပိုင်မှာ နတ်သံကွင်း တံတားဂိတ်မှာရှိတဲ့ အကြမ်းဖက် စစ်ကောင်စီတပ်က လက်နက်ကြီးတွေနဲ့ ရည်ရွယ်ချက်ရှိရှိ ပစ်ခတ်မှု ကြောင့် ကျေးရွာ ၁၀ ရွာကျော်က ပြည်သူ ၂ သောင်းကျော်လောက် ထွက်ပြေး တိမ်းရှောင်နေရတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - ကရင်ပြည်နယ်၊ ကော့ကရိတ်မြို့နယ်က ရွာတန်းရှည် ကျေးရွာကို ဒီကနေ့ ဇွန်လ ၇ ရက်နေ့ မနက်ပိုင်းက အကြမ်းဖက် စစ်ကောင်စီတပ်ကနေ လက်နက်ကြီးနဲ့ ပစ်ခတ်မှုကြောင့် အသက် ၁၂ နှစ်အရွယ် ကလေးငယ် ၁ ဦးသေဆုံးခဲ့ရပြီး ၊ ၄ နှစ်အရွယ် ကလေးငယ်နဲ့ မိခင်ဖြစ်သူတို့လည်း ဒဏ်ရာရရှိခဲ့တယ်လို့ KNU-ဗဟို ကနေ သတင်း ထုတ်ပြန်ထားပါတယ်။ - စစ်ကိုင်းတိုင်း၊ အရာတော်မြို့နယ်မှာရှိတဲ့ အကြမ်းဖက် စစ်ကောင်စီရဲ့ အမှတ် ၁၀ လေ့ကျင့်ရေးတပ်ကို ဇွန်လ ၆ ရက်နေ့ မွန်းလွဲပိုင်းမှာ ပြည်သူ့ကာကွယ်ရေးတပ်ဖွဲ့တွေကနေ ၁၀၇ မမ ရှော့တိုက်ဒုံးနဲ့ ပစ်ခတ် တိုက်ခိုက်ခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
