Khit Thit သတင်းဌာန၏ ဇွန် ၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၃ ရက် ညနေပိုင်းတင်ဆက်ပေးမယ့်သတင်းတွေကတော့ -NUG ကနေ ရန်ကုန်တိုင်း PDF တပ်ရင်း ၅၁၀၁ တည်ထောင်တဲ့ ကြေညာချက်ကြောင့် အကြမ်းဖက် စစ်ကောင်စီက ရန်ကုန်တိုင်း ၊ တစ်တိုင်းလုံးကို လုံခြုံရေး တပ်လှန့်ထားတယ်လို့ ရန်ကုန်စစ်ဘက် သတင်းရင်းမြစ်တွေက ပြောပါတယ်။ - ကရင်ပြည်နယ် ကြာအင်းဆိပ်ကြီးမြို့နယ်က အကြမ်းဖက် စစ်ကောင်စီရဲ့ ရဲစခန်းနဲ့ ခလရ ၂၈၄ အပြင် ထွေအုပ်ရုံး၊ လဝကရုံး၊ ဆက်သွယ်ရေးရုံး၊ အခွန်ရုံး၊ တရားသူကြီးရုံးတွေကို တစ်ပြိုင်တည်း ဝင်ရောက် တိုက်ခိုက်မှုအတွင်း အကြမ်းဖက် စစ်ကောင်စီဘက်က ၁၀ ဦးသေသွားတယ်လို့ အမျိုးသားညီညွတ်ရေး အစိုးရ ကာကွယ်ရေးဝန်ကြီးဌာနကနေ တရားဝင် သတင်းထုတ်ပြန်ထားပါတယ်။ - မကွေးတိုင်း၊ ပခုက္ကူမြို့နယ်က အနောက်ဘုန်းကံကျေးရွာမှာရှိတဲ့ ပျူစောထီး သင်တန်းကို ပြည်သူ့ ကာကွယ်ရေးတပ်ဖွဲ့တွေကနေ ရှော့တိုက်ဒုံး ၉ လုံးကို ၂ ကြိမ်ခွဲပြီး ပစ်ခတ်တိုက်ခိုက်ရာမှာ သင်တန်း ပေးနေတဲ့ ကျောင်းဆောင်အတွင်းကျရောက်ပေါက်ကွဲခဲ့တဲ့ သတင်းအပါအဝင် နောက်ဆုံးရသတင်း တွေကို တင်ဆက်ပေးပါမယ်။
