Khit Thit သတင်းဌာန၏ ဇွန် ၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မွန်ပြည်နယ်၊ သထုံမြို့နယ်၊ ဒူးရင်းဆိပ်ကျေးရွာအနီးမှာရှိတဲ့ အကြမ်းဖက် စစ်ကောင်စီရဲ့ ဒုံသမိတံတား စစ်ဆေးရေးဂိတ် နဲ့ ကျိုက်ထိုမြို့နယ်က မုပ္ပလင် စစ်တပ်ဂိတ်ကို KNLA နဲ့ PDF ပူးပေါင်းတပ် တွေကနေ ဇွန်လ ၁ ရက်နေ့မှာ ဝင်ရောက်တိုက်ခိုက်မှုအတွင်း အကြမ်း ဖက် စစ်ကောင်စီဘက်က ဒုရဲမှူး အပါအဝင် ၉ ဦးသေသွားတယ်လို့ တော်လှန်ရေးသတင်းရင်းမြစ်နဲ့ ရဲတပ်ဖွဲ့ဆီကနေ သိရပါတယ်။ - မကွေးတိုင်း အကြမ်းဖက် စစ်ကောင်စီရဲ့ ပခုက္ကူအင်ပင်-စစ်ဆေးရေးဂိတ် နဲ့ စစ်တပ် စခန်းတွေကို ပြည်သူ့ကာကွယ်ရေးတပ်ဖွဲ့တွေကနေ ဒရုန်း အစီးရေ တစ်ဒါဇင်လောက်နဲ့ ဗုံးအလုံး ၂၀ ကျော် ကျဲချတိုက်ခိုက်ခဲ့တယ်လို့ Anyar Eagles တပ်ဖွဲ့ရဲ့ တာန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ ခင်ဦးမြို့နယ်၊ ကျီအိုင်-ကျေးရွာကို အကြမ်းဖက် စစ်ကောင်စီတပ်က ဒီကနေ့ ဇွန်လ ၂ ရက်နေ့ မနက်အစောပိုင်းမှာ လက်နက်ကြီးနဲ့ ပစ်ခတ် ဝင်ရောက်ပြီး မီးရှို့ဖျက်ဆီးနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
