Khit Thit သတင်းဌာန၏ မေ ၃၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၃၀ ရက် ညနေပိုင်းတင်ဆက်ပေးမယ့်သတင်းတွေကတော့ -ချင်းပြည်နယ်၊ ဟားခါး နဲ့ ထန်တလန်အကြားမှာ အကြမ်းဖက် စစ်ကောင်စီတပ်က လေကြောင်း ၊ ကုန်းကြောင်းကနေ အပြင်း အထန်ထိုးစစ်ဆင်နေပြီး ၊တိုက်ပွဲအတွင်း ချင်းတော်လှန်ရေးရဲဘော် ၁၁ ဦး မြင့်မြတ်စွာ အသက်ပေးလှူသွားရသလို ၊ အကြမ်းဖက် စစ်ကောင်စီဘက်ကလည်း ထိခိုက်သေဆုံးမှုတွေ များပြားနေတယ်လို့ CNA ချင်းအမျိုးသားတပ်မတော် သတင်းရင်းမြစ်က ရန်ကုန်ခေတ်သစ်ကို ပြောပါတယ်။ - မန္တလေးတိုင်း သပိတ်ကျင်းမြို့နယ်၊ ငါန်းဇွန်မြို့နယ် နဲ့ တံတားဦးမြို့နယ်တွေက အကြမ်းဖက် စစ်ကောင်စီနဲ့ ပူးပေါင်းနေတဲ့ ကြံ့ဖွတ်ပါတီဝင်၊ ကျေးရွာအုပ်ချုပ်ရေးမှူး အပါအဝင် ပျူစောထီး ၃ ဦး ပစ်ခတ်ရှင်းလင်းခံရပြီး အသီးသီး သေသွားကြတယ်လို့ ဒေသခံ ပြည်သူတွေက ပြောပါတယ်။ - ရှမ်းပြည်နယ်တောင်ပိုင်း၊ ဖယ်ခုံမြို့နယ် နဲ့ပင်လောင်းမြို့နယ်အတွင်းက ပြည်သူလူထုနေထိုင်ရာ ကျေး ရွာတွေကို အကြမ်းဖက်စစ်ကောင်စီတပ်က လေကြောင်းက ဗုံးကျဲ တိုက်ခိုက်မှုတွေအပြင် ၊ လက်နက် ကြီးတွေနဲ့ ပစ်ခတ်မှုကြောင့် ကိုယ်ဝန်ဆောင်အမျိုးသမီးတစ်ဦး၊ ကလေးတစ်ဦးအပါအဝင် အရပ်သား ပြည်သူ ၃ ဦးသေဆုံးခဲ့ရပြီး ၁၈ ဦးဒဏ်ရာ ရခဲ့တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
