Khit Thit သတင်းဌာန၏ မေ ၂၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၆ ရက် ညနေပိုင်းတင်ဆက်ပေးမယ့်သတင်းတွေကတော့ -ရခိုင်ပြည်နယ်၊ ပုဏ္ဏားကျွန်းမြို့နယ်မှာ မိုခါ မုန်တိုင်းသင့် ပြည်သူတွေကို အကြမ်းဖက် စစ်ကောင်စီတပ်က တစ်ဦးကို ဆန် ၂ ဘူးစီပဲ ပေးအပ်ခဲ့ပြီး ၊ အဲ့ဒီ့မှာ မယူတဲ့သူသာ များပြားခဲ့တယ်လို့ ဒေသတွင်း သတင်းရင်းမြစ် တွေဆီကနေ သိရပါတယ်။ - စစ်ကိုင်းတိုင်း၊ ဆားလင်းကြီးမြို့နယ်မှာရှိတဲ့ တရုတ် ဝမ်ပေါင်ကြေးနီ စီမံကိန်းက ရဲကင်းဂိတ်ကို ပြည်သူ့ကာကွယ်ရေးတပ်ဖွဲ့တွေကနေ ဝင်ရောက် ပစ်ခတ်ရာမှာ အကြမ်းဖက် စစ်ကောင်စီ လက်အောက်ခံ ရဲ ၃ ဦးသေသွားတယ်လို့ ဓားမဆိုင်းတပ်မတော် D.M.S.A ရဲ့ အထူးတိုက်ခိုက်ရေး ခေါင်းဆောင် ဗိုလ်ထွဋ်ခေါင်က ရန်ကုန်ခေတ်သစ် ကိုပြောပါတယ်။ -မကွေးတိုင်း၊ ဂန့်ဂေါမြို့နယ်က အကြမ်းဖက် စစ်ကောင်စီလက်အောက်ခံ တောင်ခင်ရန်း- ရဲစခန်းကို ABSDF အဖွဲ့နဲ့ တော်လှန်ရေးအင်အားစုတွေကနေ လက်နက်ကြီးနဲ့ ပစ်ခတ်တိုက်ခိုက်ရာမှာ အကြမ်းဖက် စစ်ကောင်ဘက်က ၃ ဦးသေသွားတဲ့သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
