Khit Thit သတင်းဌာန၏ မေ ၂၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၆ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -အမျိုးသားညီညွတ်ရေးအစိုးရ (NUG) ဝန်ကြီး ပါမောက္ခ ဒေါက်တာဇော်ဝေစိုး နဲ့ ဦးထင်လင်းအောင် တို့ဟာ အမေရိကန်ပြည်ထောင်စု၊ ကယ်လီဖိုးနီးယား ပြည်နယ် လွှတ်တော်ကို သွားရောက်ခဲ့ကြတယ်လို့ သိရပါတယ်။ - တနင်္သာရီတိုင်း၊ လောင်းလုံးမြို့ပေါ်မှာရှိတဲ့ လဝကရုံး၊ စရဖရုံး နဲ့ ရဲစခန်းကို ပြည်သူ့ကာကွယ် ရေးတပ်ဖွဲ့တွေကနေ တပြိုင်နက်တည်း ဝင် ရောက်စီးနင်းတိုက်ခိုက်ရာမှာ အကြမ်းဖက် စစ်ကောင်စီ လက်အောက်ခံ Non-CDM ဒုလဝကမှူး သိန်းမင်းလတ် ဆိုသူ သေသွားတယ်လို့ ထားဝယ်ပြောက်ကျား တပ်ဖွဲ့ ကပြောပါတယ်။ -စစ်ကိုင်းတိုင်း ၊ ဗန်းမောက်မြို့က သရက်ကုန်း- ရွာအနီးမှာရှိတဲ့ ကူးဆိပ်စျေးတန်းကို အကြမ်းဖက် စစ်ကောင်စီ လက် အောက်ခံ SNA ရှမ်းနီတပ်က ဈေးအတွင်းထဲက ပစ္စည်းတွေကို ယူဆောင်ပြီး မီးရှို့ဖျက်ဆီးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
