Khit Thit သတင်းဌာန၏ မေ ၂၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၃ ရက် ညနေပိုင်းတင်ဆက်ပေးမယ့်သတင်းကတော့ -မန္တလေးတိုင်း၊ ညောင်ဦးမြို့နယ်၊ တက်မ ရေနံမြေမှော်မှာ အကြမ်းဖက် စစ်ကောင်စီတပ်က ရေနံတူး ဖော်မှုကို မေလ ၂၁ ရက်နေ့က စပြီး ၊ ပိတ်ပင်လိုက်တဲ့အတွက် ရေနံလုပ်သား မိသားစု ၁ သိန်းဝန်းကျင် လောက်ဟာ အလုပ်လက်မဲ့ဖြစ်ပြီး ဒုက္ခရောက်နေတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - PDF လို့စွပ်စွဲပြီး လူငယ်တွေကို ဖမ်းဆီးခိုင်းနေတဲ့ ပေါင်းတည်မြို့က ပျူစောထီးခေါင်းဆောင် ရာအိမ်မှူး သန်းနိုင် ဆိုသူ နဲ့ မတ္တရာမြို့က ကြံ့ဖွတ်ပါတီ မြို့နယ် အရန်ကော်မတီဝင် ကျော်မင်း ဆိုသူတို့ ၂ ဦး ပစ်ခတ်ရှင်းလင်းခံရပြီး အသီးသီး သေသွားကြတယ်ဆိုပါတယ်။ -မြင်းခြံ အကျဥ်းထောင်မှာ ဒီကနေ့မေလ ၂၃ ရက်နေ့မှာလည်း နိုင်ငံရေး အကျဉ်းသားတွေကို အကြမ်းဖက် စစ်ကောင်စီတပ်နဲ့ ရဲတွေက ထပ်မံ ခေါ်ထုတ်သွားတဲ့အပြင် ၊ အကျဥ်းထောင် ဝန်ထမ်း တွေကိုပါ စစ်ဆေးတာတွေ လုပ်နေတဲ့ သတင်းအပါအဝင် နောက်ဆုံးရသတင်းတွေကို တင်ဆက် ပေးပါမယ်။
