Khit Thit သတင်းဌာန၏ မေ ၂၀ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂၀ ရက် ညနေပိုင်းတင်ဆက်ပေးမယ့်သတင်းကတော့ -မွန်ပြည်နယ်၊ ကျိုက်ထိုမြို့နယ်မှာ တော်လှန်ရေးအင်အားစုတွေ နဲ့ PDF တပ်ဖွဲ့တွေ လာရောက် တိုက်ခိုက်မှာကို စိုးရိမ်ပြီး ကျိုက်ထီးရိုးဘုရား တောင်ခြေမှာရှိတဲ့ ရွာချင်းဆက်လမ်းကို အကြမ်းဖက် စစ်ကောင်စီတပ်က ဘက်ဟိုး နဲ့ ဖျက်ဆီးခဲ့တယ်လို့ Kyaikhto Information Organization အဖွဲ့ရဲ့ တာဝန်ရှိသူ တစ်ဦးက ရန်ကုန်ခေတ်သစ် ကိုပြောပါတယ်။ -ဒီးမော့ဆိုမြို့နယ်အတွင်းကို အကြမ်းဖက်စစ်ကောင်စီတပ်က စစ်ကြောင်း ၃ ကြောင်းနဲ့ ဝင်ရောက်နေပြီး နေ့စဉ် တိုက်ပွဲဖြစ်ပွားနေရာမှာ အကြမ်းဖက်စစ်ကောင်စီဘက်က အထိနာနေပြီး၊ ထိခိုက်သေဆုံး မှုတွေများ နေသလို ၊ တိုက်လေယာဉ်တွေနဲ့ပါ ဗုံးကျဲတိုက်ခိုက်နေတယ်လို့ ကရင်နီစစ်ဖက်ဆိုင်ရာ ဗဟိုသတင်းမှန်ပြန်ကြား ရေးအဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - ကရင်ပြည်နယ်၊ မူးမြို့နယ်မှာရှိတဲ့ ကျေးရွာတွေကို အကြမ်းဖက် စစ်ကောင်စီတပ်က လက်နက်ကြီးနဲ့ ပစ်ခတ်မှုကြောင့် ကလေးငယ် ၁ ဦးသေဆုံးခဲ့ပြီး ၊ ကျေးရွာ ၉ ရွာက ပြည်သူ သောင်းဂဏန်းလောက်ဟာ ထွက်ပြေးတိမ်းရှောင်နေရတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
