Khit Thit သတင်းဌာန၏ မေ ၁၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၉ ရက် မနက်ပိုင်းတင်ဆက်ပေးမယ့်သတင်းကတော့ -သမ္မတဦးဝင်းမြင့်ကို စစ်တပ်က ဖမ်းဆီးချုပ်နှောင်ထားတဲ့ တောင်ငူထောင်မှာ ပစ်ခတ်မှုဖြစ်ပြီး နိုင်ငံရေးပုဒ်မနဲ့ အမှုဖွင့် ထားတဲ့ သေဒဏ်ကျ နိုင်ငံရေးအကျဉ်းသူ ၁ ဦးအပါအဝင် နိုင်ငံရေးအကျဉ်းသား ၁၀ ဦး ထွက်ပြေး သွားခဲ့ ပေမယ့် ၁ ဦးကို ပြန်လည်ဖမ်းမိကာ သေဆုံးသွားတဲ့အတွက် ၉ ဦး လွတ်မြောက်သွား တယ်လို့ ထွက်ပြေး သွားခဲ့လွတ်မြောက်သွားတယ်လို့ စစ်ဘက်သတင်းရင်းမြစ်နဲ့ တော်လှန်ရေးသတင်းရင်းမြစ် တွေက အတည်ပြုပြော ဆိုပါတယ်။ - စစ်ကိုင်းတိုင်း၊ ကနီမြို့နယ် ချောင်းမရွာစာသင်ကျောင်းနဲ့ အနီးဝန်းကျင်ရွာတွေကို မေလ ၁၇ ရက် နေ့ နေ့လယ်ပိုင်းမှာ စစ်တပ်က တိုက်လေယာဥ်နဲ့ ဗုံးကျဲပစ်ခတ်ခဲ့တယ်လို့ ဒေသခံတွေဆီက သိရပါတယ်။ - ရခိုင်ပြည်နယ်၊ ပုဏ္ဏားကျွန်းမြို့နယ်မှာ မေလ ၁၄ ရက်နေ့က မိုခါမုန်တိုင်းကြောင့် မြို့လုံးကျွတ်၊ ရွာလုံးကျွတ် ပျက်စီးဆုံးရှုံးမှုများခဲ့ပေမယ့် ၅ ရက်ကြာတဲ့အထိ မည်သည့်အကူအညီမှ မရသေးဘဲ ပြည်သူတွေ ဒုက္ခရောက် နေတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
