Khit Thit သတင်းဌာန၏ မေ ၁၇ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၇ ရက် နေ့လယ်ပိုင်းတင်ဆက်ပေးမယ့်သတင်းကတော့ -ကရင်ပြည်နယ်၊ မြ၀တီမြို့နယ်မှာ ဒီကနေ့ မေလ ၁၇ ရက်နေ့ မနက်အစောပိုင်းက စပြီး ၊ လက်နက် ကြီး လက်နက်ငယ်သံတွေ နဲ့ အပြန်အလှန် ပစ်ခတ်သံတွေကြားရပြီး ၊ တိုက်ပွဲဖြစ်ပွား နေသလို ၊ အကြမ်းဖက် စစ်ကောင်စီဘက်ကလည်း တိုက်လေယာဉ်နဲ့ ဗုံးကျဲတိုက်ခိုက်မှုတွေပါ လုပ်နေတယ်လို့ ဒေသခံ ပြည်သူတွေက ရန်ကုန်ခေတ်သစ်ကို ပြောပါတယ်။ - ကရင်ပြည်နယ်၊ KNU တပ်မဟာ ၅ နယ်မြေက တိုက်ပွဲတွေမှာ အကြမ်းဖက် စစ်ကောင်စီဘက်က အရာရှိတွေ အပါအဝင် ၂၆ ဦးသေသွားပြီး ၊ KNLA ရဲဘော် ၂ ဉီးလည်း မြင့်မြတ်စွာ အသက်ပေး လှူသွားတယ်လို့ KNU မူတြော်သတင်းစဉ်ကနေ သတင်းထုတ်ပြန်ထားပါတယ်။ - ထိုင်း-မြန်မာနယ်စပ်မှာ လက်နက် နဲ့ ဆက်စပ်ပစ္စည်းတွေကို ထိုင်းရဲက ဖမ်းဆီးပြီးတဲ့နောက် ထိုင်းမြန်မာ နယ်စပ် နဲ့ မဲဆောက်မှာ အဖမ်းအဆီး အစစ်အဆေးကြမ်းနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
