Khit Thit သတင်းဌာန၏ မေ ၁၂ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ရန်ကုန်၊ မန္တလေး အပါအဝင် မြို့ကြီးတွေမှာ PDF တပ်ဖွဲ့တွေကို လက်နက်နဲ့ အလင်းဝင်ရင် ဆုငွေ ချီးမြှင့်မယ်ဆိုတဲ့ စာတွေကို အကြမ်းဖက် စစ်ကောင်စီဘက်က ဓာတ်တိုင် နဲ့ ကားမှတ်တိုင်တွေမှာ လိုက်ကပ်နေတယ်လို့ ဒေသခံ ပြည်သူတချို့က ပြောပါတယ်။ -ရန်ကုန်မြို့ပေါ်မှာရှိတဲ့ အကြမ်းဖက် စစ်ကောင်စီလက်အောက်ခံ ရန်ကုန်တိုင်းလွှတ်တော်ဝင်းအတွင်းက ရန်ကုန် စစ်ကောင်စီအဖွဲ့ရုံးကို တော်လှန်ရေး အင်အားစု တပ်ဖွဲ့ဝင်တွေကနေ ၄၀ မမ ဗုံးသီးနဲ့ ဒီကနေ့ မေလ ၁၂ ရက်နေ့ မနက်အစောပိုင်းမှာ ပစ်ခတ်တိုက်ခိုက်ခဲ့တယ်လို့ တော်လှန်ရေး သတင်းရင်းမြစ် တချို့က ပြောပါတယ်။ - စစ်ကိုင်းတိုင်း၊ ကလေးမြို့နယ်မှာ ပြည်သူတွေကို ပြောင်းရွှေ့ဖို့ သတိပေးပြီးတဲ့နောက် အကြမ်းဖက် စစ်ကောင်စီ တပ်စွဲထားတဲ့ ကလေးတက္ကသိုလ် နဲ့ ခိုင်ကမ်းမြို့ ရဲစခန်းကို တော်လှန်ရေးအင်အားစုတွေကနေ ရှော့တိုက်ဒုံး ၁၀ လုံး ဆက်တိုက်ပစ်ခတ်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
