Khit Thit သတင်းဌာန၏ မေ ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၁ ရက် ညနေပိုင်းတင်ဆက်ပေးမယ့်သတင်းကတော့ - စစ်ကိုင်းတိုင်း၊ ဗန်းမောက်မြို့နယ် ရဲ့ အနောက်ဘက်၊ ဆိတ်စခူ- မှော်အနီးက တိုက်ပွဲမှာ သေသွားတဲ့ အကြမ်းဖက် စစ်ကောင်စီလက်အောက်ခံ SNA တပ်သား အလောင်း ၆ လောင်းကို စစ်ကောင်စီဘက်က ဒီတိုင်းစွန့်ပစ်ထားခဲ့တဲ့အတွက် PDF တပ်ဖွဲ့ဝင်တွေကနေ ကောင်းမွန်စွာ သင်္ဂြိုလ်ပေးခဲ့တယ်လို့ ဗန်းမောက် -Revolution -BR တပ်ဖွဲ့ရဲ့ တာဝန်ရှိသူတစ်ဦးက ရန်ကုန် ခေတ်သစ်ကို ပြောပါတယ်။ -စစ်ကိုင်းတိုင်း၊ ပုလဲမြို့နယ်က အကြမ်းဖက် စစ်ကောင်စီလက်အောက်ခံ ကန်ဒေါင့်နယ်မြေရဲစခန်းမှာ တပ်စွဲထားတဲ့ အကြမ်းဖက်စစ်ကောင်စီတပ်သားတွေကို PDF တပ်ဖွဲ့တွေကနေ ဝင်ရောက်တိုက်ခိုက် ရာမှာ အကြမ်းဖက်စစ်ကောင်စီဘက်က ၁၀ ဦးထက် မနည်းသေသွားတယ်လို့ M7 People’s Defense Force တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - ကရင်ပြည်နယ်၊ KNU ကော်သူးလေ အုပ်ချုပ်နယ်မြေအတွင်း ၄ လတာ ဖြစ်ပွားခဲ့တဲ့ တိုက်ပွဲတွေမှာ အကြမ်းဖက် စစ်ကောင်စီဘက်က တပ်ရင်းမှူး ၄ ဦး၊ ဒု−တပ်ရင်းမှူး ၅ ဦး အပါအဝင် ၁၇၃၆ ဦးသေသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။ိ
