Khit Thit သတင်းဌာန၏ မေ ၁၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၀ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -မြန်မာ့အရေး ဖြေရှင်းဖို့ အာဆီယံရဲ့ ကြိုးပမ်းဆွေးနွေးမှုဟာ နေပူထဲမှာ ရေခဲ ပန်းပု ထုနေသလို အရာမထင် ဖြစ်နေတဲ့အပြင် ၊ အရေးယူမယ့် ယန္တရား မရှိသ၍ မည်သည့် ထိရောက်မှုမှ မရှိနိုင်ဘူးလို့ ဦးမင်းကိုနိုင်က ပြောဆိုလိုက်ပါတယ်။ -စစ်ကိုင်းတိုင်း၊ ကလေးမြို့က ကလေးတက္ကသိုလ် အပါအဝင် အကြမ်းဖက် စစ်ကောင်စီလက်အောက်ခံ ခိုင်ကမ်းမြို့ ရဲစခန်း နဲ့ ကလေးတက္ကသိုလ်မုခ်ဦးအနီးမှာ နေထိုင်ကြတဲ့ ပြည်သူတွေ အနေနဲ့ မေလ ၁၀ ရက်နေ့ မနက် ၁၀ နာရီ ကစပြီး၊ ဘေးလွတ်ရာကို ပြောင်းရွှေ့ပေးကြဖို့ Chin land Defense Force- Siyin အဖွဲ့ကနေ သတိ ပေးချက် ထုတ်ပြန်ထားပါတယ်။ - မြန်မာနိုင်ငံအောက်ပိုင်းဒေသက အကျဉ်းထောင်တစ်ခုမှာရှိတဲ့ နိုင်ငံရေးအကျဉ်းသားတွေ စုပေါင်းပြီးတော့ သူတို့ရဲ့ မိသားစုဝင်တွေ ပေးပို့တဲ့ ထောင်ဝင်စာ မုန့်ဖို့းတွေကို စုပြီး ရိက္ခာတွေနဲ့တကွ တော်လှန်ရေးအဖွဲ့တွေ ဆီကို ပေးပို့ထောက်ပံ့ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
