Khit Thit သတင်းဌာန၏ မေ ၉ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၉ ရက် ညနေပိုင်းတင်ဆက်ပေးမယ့်သတင်းတွေကတော့ -ကရင်ပြည်နယ်၊ ကော့ကရိတ်မြို့နယ်က အကြမ်းဖက် စစ်ကောင်စီရဲ့ ခလရ ၉၇ တပ်ကို PDF တပ်ပေါင်းစုတွေကနေ မေလ ၈ ရက်နေ့ မနက်ပိုင်းက ဝင်ရောက်တိုက်ခိုက်ရာမှာ အကြမ်းဖက် စစ်ကောင်စီဘက်က အရာရှိ ၃ ဦး အပါအဝင် ၅ ဦးသေသွားတယ်လို့ Southern Eagle အဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - မကွေးတိုင်း၊ ထီးလင်းမြို့နယ်က အကြမ်းဖက် စစ်ကောင်စီလက်အောက်ခံ ထီးလင်းတောင် ရဲစခန်း နဲ့ ထီးလင်းမြို့နယ် ထွေအုပ်ရုံးကို ပြည်သူ့ကာကွယ်ရေးတပ်ဖွဲ့တွေကနေ ဒရုန်း နဲ့ ဗုံးကျဲတိုက်ခိုက်ရာမှာ အကြမ်းဖက် စစ်ကောင်စီဝင် ၃ ဦးသေသွားတယ်လို့ Myingyan District Drone Strike တပ်ဖွဲ့ရဲ့ တာဝန်ရှိ သူတစ်ဦးက ရန်ကုန်ခေတ်သစ်ကို ပြောပါတယ်။ - စစ်ကိုင်းတိုင်း၊ ရွှေဘို-ကျောက်မြောင်း-လမ်းပိုင်းမှာ အကြမ်းဖက် စစ်ကောင်စီတပ် စစ်ကြောင်းကို PDF တပ်ပေါင်းစုက ၃ ကြိမ် မိုင်းဆွဲ တိုက်ခိုက်မှုအပြင် ၊ လက်နက်ငယ်တွေနဲ့ပါ ပစ်ခတ်တိုက်ခိုက်ခဲ့ရာမှာ အကြမ်းဖက် စစ်ကောင်စီဘက်က ထိခိုက်သေဆုံးမှု များနိုင်တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
