Khit Thit သတင်းဌာန၏ မေ ၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၂ ရက် ညနေပိုင်းတင်ဆက်ပေးမယ့်သတင်းတွေကတော့ -နိုင်ငံတကာက မြန်မာ့အရေး အဖြေရှာဖို့ ဆွေးနွေးပွဲတွေ ကျင်းပနေတဲ့အချိန် အကြမ်းဖက် စစ်ကောင်စီတပ်က ပြည်သူရာနဲ့ချီ သေဆုံးစေခဲ့တဲ့ လေကြောင်း ဗုံးကျဲတိုက်ခိုက်မှုအပါအဝင် ပြည်သူတွေကို ရက်ရက်စက်စက် သတ်ဖြတ် ပြသနေတယ်လို့ အမျိုးသားညီညွတ်ရေးအစိုးရ NUG သမ္မတ ဒူဝါလရှီးလ ကနေ ပြောဆိုလိုက်ပါတယ်။ - စစ်အာဏာရှင် တော်လှန်ရေး အင်အားစုတွေရဲ့ တိုက်ခိုက်မှုတွေ ၊ နိုင်ငံတစ်ဝန်း တိုက်ပွဲတွေ နဲ့ ပစ်ခတ်ရှင်းလင်း ခံရမှုတွေအတွင်း အခု ၂၀၂၃ ခုနှစ် ဧပြီလအတွင်းမှာပဲ အကြမ်းဖက် စစ်ကောင်စီ ဘက်က ဗိုလ်မှူးကြီး ၃ ဦး၊ ဒုဗိုလ်မှူးကြီး ၆ ဦး၊ ဗိုလ်မှူး ၈ ဦး နဲ့ အငြိမ်းစား စစ်အရာရှိတွေ အပါအဝင် အယောက် ၂၀ ဟာ တစ်လအတွင်းမှာပဲ အသီးသီးသေသွားကြတယ်လို့ သိရပါတယ်။ - မန္တလေးမြို့၊ ချမ်းမြသာစည် မြို့နယ်၊ ချမ်းမြသာစည်-တောင်ရပ်ကွက်က အကွက် ၈၆၇ မှာ ရာအိမ်မှူး ပျူစောထီး ခေါင်းဆောင် ဝင်းဇော် ရဲ့ ပစ်ခတ်မှုကြောင့် မောင်ဘုန်းထက်မြတ် ဆိုသည့် ကလေးငယ်ဟာ သေနတ်ကျည်ထိမှန်ပြီး သေဆုံးသွားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
