Khit Thit သတင်းဌာန၏ မေ ၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း ၊ မုံရွာမြို့ပေါ်မှာရှိတဲ့ အကြမ်းဖက် စစ်ကောင်စီလက်အောက်ခံ ကညနရုံး နဲ့ စိုက်ပျိုးရေး ရုံးမှာ တပ်စွဲထားတဲ့ အကြမ်းဖက် စစ်ကောင်စီတပ်သားတွေကို PDF တပ်ဖွဲ့တွေကနေ ဧပြီလ ၂၉ ရက်နေ့က ဝင်ရောက် တိုက်ခိုက်ရာမှာ အကြမ်းဖက် စစ်ကောင်စီတပ်သား ၅ ဦး သေသွားတယ်လို့ Monya Lighting PDF ရဲ့ တာဝန်ရှိသူတစ်ဦးက ရန်ကုန်ခေတ်သစ် ကိုပြောပါတယ်။ - မန္တလေးတိုင်း၊ အမရပူရမြို့နယ်-မြို့မရဲစခန်းကို ဒီကနေ့ မေလ ၁ ရက်နေ့ မနက်ပိုင်းက ဗုံးနဲ့ ပစ်ခတ် တိုက်ခိုက်မှု ဖြစ်ပွားခဲ့တယ်လို့ ဒေသခံပြည်သူတွေက ပြောပါတယ်။ - စစ်ကိုင်းမြို့နယ်က အကြမ်းဖက် စစ်ကောင်စီတပ်သားတွေ တပ်စွဲထားတဲ့ညောင်ပင်ဝန်းရဲစခန်းကို PDF တပ်ဖွဲ့တွေကနေ ၆၀ မမ ၊ ၈၀ မမ လက်နက်ကြီးတွေနဲ့ ပစ်ခတ်တိုက်ခိုက်ခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
