Khit Thit သတင်းဌာန၏ ဧပြီ ၂၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၄ ရက် မနက်ပိုင်းတင်ဆက်ပေးမယ့်သတင်းတွေကတော့ -အကြမ်းဖက် မင်းအောင်လှိုင်ရဲ့ ဖိတ်ကြားချက်အရ ကုလသမဂ္ဂ အတွင်းရေး မှူးချုပ်ဟောင်း ဘန်ကီမွန်းဟာ မနေ့ကညနေပိုင်းက နေပြည်တော်ကို ရောက်ရှိလာတယ်လို့ သိရပါတယ်။ -ရှမ်းပြည်နယ်၊ နောင်ချိုမြို့နယ်နဲ့ မန္တလေးတိုင်း ပြင်ဦးလွင်မြို့နယ်အစပ်တွင် ဖြစ်ပွားခဲ့တဲ့ တိုက်ပွဲတွေမှာ စစ်ကောင် စီ ဘက်မှ ဒုတိယဗိုလ်မှူးကြီး မြတ်မင်းထွန်း အပါအဝင် ၁၀၀ ဦးဝန်းကျင် သေဆုံးခဲ့တယ်လို့ NUG ကာကွယ်ရေး ဝန်ကြီးဌာနက တရားဝင် သတင်းထုတ်ပြန်ပါတယ်။ -ရန်ကုန်မှာ စစ်ကောင်စီရွေးကောက်ပွဲကော်မရှင် ဒုတိယညွှန်ကြားရေးမှူး ဒုဗိုလ်မှူးကြီး (ငြိမ်း) စိုင်းကျော်သူ ပစ်ခတ် ရှင်းလင်းခံရပြီးနောက် နေပြည်တော်ရွေးကောက်ပွဲကော်မရှင်တာဝန်ရှိသူတွေနဲ့ ပြည်နယ်နှင့်တိုင်း ရွေးကောက်ပွဲ ကော်မရှင်တာဝန်ရှိသူတွေဟာ ထိတ်လန့်တုန်လှုပ်နေပြီး နေရာပြောင်းသူတွေနဲ့ လုံခြုံရေးတောင်း သူတွေရှိလာ တယ်လို့ သိရပါတယ်။ - တနင်္သာရီတိုင်း၊ သရက်ချောင်းမြို့နယ်၊ ရငဲကျေးရွာမှ ပြည်သူ ၅၀ ဦးကို စစ်တပ်က မနေ့က အကြောင်းမဲ့ ဖမ်းဆီးသွားပြီး ပြန်လည် လွှတ်ပေးခြင်းမရှိသေးတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
