Khit Thit သတင်းဌာန၏ ဧပြီ ၂၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၂၂ ရက် ညနေပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ မင်းကင်းမြို့နယ် ၊ မအူရွာက အကြမ်းဖက် စစ်ကောင်စီရဲ့ တပ် စခန်းကို PDF တပ်ဖွဲ့တွေကနေ သိမ်းပိုက်ရရှိခဲ့ပြီးတဲ့နောက် စစ်ရဟတ်ယာဥ် ဆင်းတဲ့ကွင်း ၂ ခုကိုပါ ဖျက်ဆီး ထားနိုင်ခဲ့တယ်လို့ Minkin People's Defence Force - MKPDF 2 ဆီကနေ သိရပါတယ်။ - ကရင်ပြည်နယ်၊ မြဝတီမြို့နယ်၊ ကျောက်မိုင်း-ဒေသကို အကြမ်းဖက်စစ်ကောင်စီတပ်က တိုက် လေယာဉ်၊ လက်နက်ကြီးတွေနဲ့ ပစ်ခတ်ပြီး စစ်ကြောင်းထိုးဝင်ရောက်လာတဲ့အချိန် နယ်မြေစိုးမိုးထားတဲ့ တော်လှန်ရေးအင်အားစုတွေနဲ့ တိုက်ပွဲဖြစ်ပွားရာမှာ အကြမ်းဖက် စစ်ကောင်စီ တပ်သားတစ်ဦးသေ သွားပြီး ၊ ခဲယမ်းအများအပြား သိမ်းဆည်းရရှိခဲ့တယ်လို့ သိရပါတယ်။ - ရှမ်းပြည်နယ်၊ နောင်ချိုမြို့ပေါ်မှာရှိတဲ့ အကြမ်းဖက် စစ်ကောင်စီရဲ့ ၁၁၄ တပ်ရင်း နဲ့ ၁၁၅ တပ်ရင်း တွေကို Mandalay PDF တပ်ဖွဲ့ကနေ ဒီကနေ့ ဧပြီလ ၂၂ ရက်နေ့ မနက်အစောပိုင်းက ရှော့တိုက်ဒုံးတွေ နဲ့ ပစ်ခတ် တိုက်ခိုက်ခဲ့ပြီးတဲ့နောက် တိုက်ပွဲဖြစ်ပွားခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
