Khit Thit သတင်းဌာန၏ ဧပြီ ၁၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၈ ရက် မနက်ပိုင်းတင်ဆက်ပေးမယ့်သတင်းတွေကတော့ -စစ်ကိုင်းတိုင်း၊ ကန့်ဘလူမြို့နယ်က ပြည်သူ ၁၇၀ ကျော်ကို စစ်တပ်က လေကြောင်းကနေ တိုက်ခိုက် သတ်ဖြတ်မှုကို ဂလဲ့စားချေတဲ့အနေနဲ့ နေပြည်တော်အေလာလေတပ်ကို ရှော့တိုက်ဒုံးတွေနဲ့ ပစ်ခတ်ခဲ့ရာ လေယာဉ်ဆီ ဆီလှောင်ကန်ကြီး ၂ လုံး ထိမှန် ပေါက်ကွဲမီးလောင်ခဲ့တယ်လို့ MKCDFမှ တာဝန်ရှိသူတစ်ဦးက ပြောပါတယ်။ - မန္တလေးတိုင်းနဲ့ ရှမ်းပြည်နယ်အစပ် မိုးကုတ်ဒေသက ပြည်သူ့ကာကွယ်ရေးတပ်မတော် တပ်ရင်းတပ်ဖွဲ့တွေအတွက် NUG က လက်နက်တွေ တပ်ဆင်တာတွေကို ဧပြီလ ၁၆ ရက်နေ့မှာ ပြုလုပ်ခဲ့တယ်လို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက သတင်းထုတ်ပြန်ပါတယ်။ - အကြမ်းဖက်စစ်ခေါင်းဆောင် မင်းအောင်လှိုင်က သင်္ကြန်ကာလ ပြင်ဦးလွင်မှာ နေထိုင်ရင်း လက်ခွဲစိတ်ကုသမှု ခံယူခဲ့တယ်လို့ သိရပါတယ်။ - အာဏာလု အကြမ်းဖက်စစ်ကောင်စီအနေနဲ့ ပြည်သူ့ကာကွယ်ရေးတပ်မတော်ကို မနိုင်တော့ဘူးလို့ ကာကွယ်ရေး ဝန်ကြီး ဦးရည်မွန်က မြန်မာနှစ်သစ်ကူးနေ့ ရဲဘော်တွေကို ပြောဆိုတဲ့မိန့်ခွန်းမှာ ထည့်သွင်းပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
