Khit Thit သတင်းဌာန၏ ဧပြီ ၁၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဧပြီ ၁၅ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ရန်ကုန်တိုင်း၊ ခရမ်းမြို့နယ်က အကြမ်းဖက် စစ်ကောင်စီရဲ့ လူဝင်မှုကြီးကြပ်ရေးဦးစီးဌာနရုံးကို ခရမ်း PDF ကနေ ဧပြီလ ၁၄ ရက်နေ့ဖြစ်တဲ့ သင်္ကြန်အကြိုနေ့ မွန်းလွဲပိုင်းမှာ ဝင်ရောက်တိုက်ခိုက်မှုအတွင်း ရဲ ၂ ဦးသေသွားပေမယ့် စစ်ကောင်စီဘက်ကရဲတွေ သေဆုံးမှုမရှိဘဲ ဒဏ်ရာသာရရှိတယ်ဆိုပြီး သတင်းကို ကွယ်ဝှက်ထားတယ်လို့ ရန်ကုန်ခေတ်သစ်ရဲ့ သတင်းရင်းမြစ်ဆီကနေ သိရပါတယ်။ -မန္တလေး၊ ညောင်ဦးမြို့နယ်က အကြမ်းဖက် စစ်ကောင်စီလက်အောက်ခံ အောက်ညည့်ရွာ အုပ်ချုပ်ရေးမှူးနိုင်ဝင်း ဆိုသူကို ပြည်သူ့ကာကွယ်ရေးတပ်ဖွဲ့တွေကနေ ပစ်ခတ်ရှင်းလင်းရာမှာ ပွဲချင်းပြီးသေသွားတယ်လို့ Bagan Ogre Force ရဲ့ တာဝန် ရှိသူ တစ်ဦးက ရန်ကုန်ခေတ်သစ် ကိုပြောပါတယ်။ -တနင်္သာရီမြို့နယ်၊ သဲဖြူကျေးရွာကို ဝင်ရောက်တပ်စွဲထားတဲ့ အကြမ်းဖက်စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့တွေကနေ တိုက်ခိုက်ရာမှာ အကြမ်း ဖက် စစ်ကောင်စီဘက်က အယောက် ၂၀ ကျော် သေသွားပြီး ၊ ခဲယမ်း အမြောက် အမြားနဲ့ ယူနီဖောင်းတွေကိုပါ သိမ်းဆည်းရရှိခဲ့တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
